అక్షరటుడే వెబ్డెస్క్:UK Investor Visa | ప్రపంచవ్యాప్తంగా ఉన్న అపర కుబేరులను ఆకర్షించేందుకు బ్రిటన్ (UK) ప్రభుత్వం ఒక సరికొత్త వీసా విధానాన్ని తీసుకురావాలని యోచిస్తోంది. ఓ ఆంగ్ల మీడియా కథనం ప్రకారం.. సంపన్న విదేశీ పౌరుల కోసం “ఇన్విటేషన్ ఓన్లీ” (ఆహ్వానం ద్వారా మాత్రమే) అనే ప్రత్యేక పెట్టుబడిదారుల వీసాను ప్రారంభించడానికి యూకే కసరత్తు చేస్తోంది.
UK Investor Visa|రూ.50 కోట్లకు పైగా ఇన్వెస్ట్..
ఈ కొత్త ప్రతిపాదన ప్రకారం.. బ్రిటన్లో శాశ్వత నివాస హోదా (Residency Status) పొందాలనుకునే విదేశీ సంపన్నులు ఆ దేశంలో కనీసం 5 మిలియన్ పౌండ్లు (భారత కరెన్సీలో సుమారు రూ. 53 కోట్లకు పైగా) పెట్టుబడి పెట్టాల్సి ఉంటుంది. అయితే ఈ పెట్టుబడులను ఎక్కడ పడితే అక్కడ పెట్టడానికి వీల్లేదు. బ్రిటన్ ప్రభుత్వం ప్రాధాన్యతా రంగాలుగా గుర్తించిన ఫీల్డ్స్లో మాత్రమే ఇన్వెస్ట్ చేయాలి. ముఖ్యంగా వేగంగా అభివృద్ధి చెందుతున్న బ్రిటిష్ వ్యాపారాలు, స్టార్టప్లు, పారిశ్రామిక రంగాలలో ఈ నిధులను పెట్టుబడిగా పెట్టాల్సి ఉంటుంది. ప్రభుత్వం నిర్దేశించిన ఈ రంగాలలో పెట్టుబడులు పెట్టే ధనవంతులకు మాత్రమే ఈ వీసా పొందేందుకు మొదటి ప్రాధాన్యత లభిస్తుంది.
ఇది కూడా చదవండి: Bandi Sanjay Comments|నేను ఎలాంటివాడినో నా పార్టీ కార్యకర్తలకు తెలుసు:బండి సంజయ్
