అక్షరటుడే, వెబ్డెస్క్ : KCR Jagtial Meeting | మాజీ సీఎం, బీఆర్ఎస్ అధినేత కేసీఆర్ నేడు జగిత్యాలలో పర్యటించనున్నారు. బహిరంగ సభలో ఆయన పాల్గొంటారు.
మాజీ మంత్రి, సీనియర్ నేత జీవన్రెడ్డి (Jeevan Reddy) ఇటీవల కాంగ్రెస్కు రాజీనామా చేసిన విషయం తెలిసిందే. ఆయన నేడు బీఆర్ఎస్లో చేరనున్నారు. కేసీఆర్ సమక్షంలో గులాబీ కండువా కప్పుకోనున్నారు. దీని కోసం జగిత్యాల (Jagtial)లో బీఆర్ఎస్ నేతలు ప్రజా ఆశీర్వాద సభ నిర్వహిస్తున్నారు. ఈ సభ కోసం పక్కాగా ఏర్పాట్లు చేశారు. ఇప్పటికే మాజీ మంత్రులు కేటీఆర్, హరీశ్రావు సభ ఏర్పాట్లను పరిశీలించారు. ఈ సభను విజయవంతం చేయడానికి బీఆర్ఎస్ శ్రేణులు ఇప్పటికే ప్రణాళికలు రచించారు. ఉమ్మడి కరీంనగర్ నుంచి భారీగా జన సమీకరణ చేయడానికి సిద్ధం అయ్యారు.
KCR Jagtial Meeting | కేసీఆర్ పర్యటన వివరాలు
జగిత్యాల పర్యటన కోసం కేసీఆర్ సాయంత్రం 4:30 గంటలకు ఎర్రవల్లి ఫామ్హౌజ్ (Erravalli Farmhouse) నుంచి హెలిక్యాప్టర్ ద్వారా బయలు దేరుతారు. 5:10 గంటలకు జగిత్యాల కలెక్టరేట్కు చేరుకుంటారు. అక్కడి నుంచి రోడ్డు మార్గంలో జగిత్యాల బీఆర్ఎస్ పార్టీ (BRS Party) ఆఫీస్కు చేరుకుంటారు. సాయంత్రం 6:30 గంటలకు మినీ స్టేడియంలోని సభ స్థలికి చేరుకుంటారు. రాత్రి 9 గంటలకు జగిత్యాల నుంచి తిరుగు పయనం అవుతారు.
KCR Jagtial Meeting | గులాబీ శ్రేణుల్లో జోష్
కేసీఆర్ (KCR) దాదాపు ఏడాది తర్వాత బహిరంగ సభలో పాల్గొననుండటంతో బీఆర్ఎస్ శ్రేణుల్లో జోష్ నెలకొంది. గతేడాది జరిగిన బీఆర్ఎస్ రజతోత్సవ సభలో ఆయన పాల్గొన్నారు. అనంతరం జూబ్లీహిల్స్ ఉప ఎన్నికలు, పంచాయతీ ఎన్నికలు, మున్సిపల్ ఎన్నికలు జరిగిన ఆయన బయటకు రాలేదు. ఎర్రవల్లిలోని తన వ్యవసాయ క్షేత్రంలో బీఆర్ఎస్ శ్రేణులకు సూచనలు చేసిన ఆయన బహిరంగ వేదికల్లో మాత్రం మాట్లాడలేదు. ఈ క్రమంతో తాజాగా గులాబీ బాస్ సభ నిర్వహిస్తుండటం బీఆర్ఎస్లో జోష్ నెలకొంది. త్వరలో ఎంపీటీసీ, జెడ్పీటీసీ ఎన్నికలు ప్రభుత్వం నిర్వహించడానికి సిద్ధం అవుతోంది. ఈ క్రమంలో కేసీఆర్ సభ ఆ పార్టీలో ఉత్సాహం నింపనుంది.
ఇది కూడా చదవండి..: Revanth Reddy Visit | రేపు భూపాలపల్లి జిల్లాకు సీఎం రేవంత్ రెడ్డి
