అక్షరటుడే, వెబ్డెస్క్: Agniveer Service Extension | అగ్నిపథ్ పథకంలో భాగంగా నియమించిన అగ్నివీరుల పదవీకాలాన్ని కేంద్ర ప్రభుత్వం రెండేళ్లు పెంచిన విషయం తెలిసిందే. దీనిపై తాజాగా కీలక వివరాలు వెల్లడించింది. ప్రస్తుతం యూనిఫామ్లో ఉన్న అగ్నివీర్లకు మాత్రమే పెంపు వర్తిస్తుందని స్పష్టం చేసింది.
ప్రస్తుతం పని చేస్తున్న అగ్నివీరుల్లో 25శాతం మందిని సైన్యంలోకి తీసుకుంటామని, మిగతా 75 శాతం మంది పదవీ కాలాన్ని మరో రెండేళ్లు పొడిగిస్తున్నట్లు మంగళవారం చీఫ్ ఆఫ్ డిఫెన్స్ స్టాఫ్ జనరల్ అనిల్ చౌహాన్ (Anil Chauhan) ప్రకటించిన విషయం తెలిసిందే. అగ్నిపథ్లో భాగంగా నియామకం అయ్యే సమయంలో 4 ఏళ్ల పదవీకాలం మాత్రమే ఉంది. కేంద్ర ప్రకటనతో ఇక నుంచి అగ్నివీర్ల పదవీకాలం ఆరేళ్లు అని పలువురు భావించారు. దీనిపై తాజాగా ప్రభుత్వం స్పష్టత ఇచ్చింది. పదవీకాలం పొడిగింపు ప్రస్తుతం పని చేస్తున్న తొమ్మిది బ్యాచ్‌లకు మాత్రమే పరిమితమని పేర్కొంది. కొత్తగా చేరేవారికి నాలుగేళ్ల పదవీకాలం నిబంధనే వర్తిస్తుందని తెలిపింది.
Agniveer Service Extension | తొమ్మిది బ్యాచ్‌లకు..
ప్రతి బ్యాచ్‌లోని మొదటి 25 శాతం మంది నాలుగేళ్ల తర్వాత రెగ్యులర్ కేడర్‌లోకి వెళ్తారు. ఆ విషయంలో ఎలాంటి మార్పు లేదు. నాలుగేళ్ల తర్వాత వెళ్లిపోవాల్సిన మిగిలిన 75 శాతం మందికి, ఇప్పుడు రెండేళ్ల పాటు రెండవ నియామక అవకాశం ఇవ్వబడుతుంది. అది ముగిసిన తర్వాత వారు కొనసాగడానికి ఇష్టపడి, శారీరకంగా ఆరోగ్యంగా ఉండి, మంచి క్రమశిక్షణా రికార్డును కలిగి ఉన్నట్లయితే, సంఖ్యపై ఎటువంటి పరిమితి లేకుండా వారిని రెగ్యులర్ కేడర్‌లో విలీనం చేసుకుంటారు. డిసెంబర్ 2026 తర్వాత చేరే వారెవరైనా అసలు నాలుగేళ్ల ఒప్పందం కిందనే పనిచేస్తారు. ఆ బ్యాచ్‌ల నియమాలను, సాయుధ దళాల అవసరాలు మరియు అప్పటి పరిస్థితుల ఆధారంగా సమీక్షిస్తామని అధికారులు తెలిపారు.
ఇది కూడా చదవండి..: Cannabis Seizure | పూణే ఎయిర్పోర్టులో గంజాయి పట్టివేత
