UPI Transactions | యూపీఐ జోరు.. రోజుకు రూ. లక్ష కోట్ల లావాదేవీలు

అక్షరటుడే, వెబ్​డెస్క్ : UPI Transactions | అక్టోబర్‌లో యూపీఐ లావాదేవీలు (UPI Transactions) గణనీయంగా పెరిగాయి. యూనిఫైడ్ పేమెంట్స్ ఇంటర్‌ఫేజ్ పేమెంట్స్ సరికొత్త రికార్డులు సృష్టించాయి. అక్టోబర్ నెలలో మొత్తం జరిగిన లావాదేవీల విలువ రూ.31.53 లక్షల కోట్లుగా నమోదయ్యింది. తద్వారా యావరేజ్ డైలీ ట్రాన్సాక్షన్ వాల్యూ తొలిసారిగా రూ. లక్ష కోట్లను దాటింది. ఈ ఏడాది మే నెలలో గరిష్టంగా రూ.29.9 లక్షల కోట్ల లావాదేవీలు జరిగాయి. పండుగ సీజన్‌లో వినియోగదారుల వ్యయం పెరగడం ఈ రికార్డులకు దోహదం చేసిందని భావిస్తున్నారు.

రోజూ 821 మిలియన్ల లావాదేవీలు..

నేషనల్ పేమెంట్స్ కార్పొరేషన్ ఆఫ్ ఇండియా డేటా ప్రకారం గత నెలలో రూ. 2,547 కోట్ల యూపీఐ పేమెంట్స్ ట్రాన్సాక్షన్స్ జరిగాయి. అంటే రోజూ సగటున 821 మిలియన్ల లావాదేవీలు రికార్డయ్యాయి. కాగా సెప్టెంబర్‌లో 2,407 కోట్ల లావాదేవీలు నమోదవగా.. రోజువారీ లావాదేవీల సగటు పరిమాణం 802 మిలియన్లుగా ఉంది.

ఇది కూడా చదవండి..: Supreme Court Airfare | విమానంలో ప్రయాణించొద్దు.. ఛార్జీల పెంపుపై సుప్రీంకోర్టు