అక్షరటుడే వెబ్డెస్క్: Amazon India Investment | ప్రపంచ ఈ-కామర్స్, టెక్నాలజీ దిగ్గజం అమెజాన్, భారత మార్కెట్లో తన కార్యకలాపాలను మరింత విస్తరించేందుకు సిద్ధమైంది. 2026 నుండి 2030 మధ్యకాలంలో భారత్లో మొత్తం 48 బిలియన్ డాలర్ల (సుమారు రూ. 4 లక్షల కోట్లకు పైగా) పెట్టుబడి పెట్టనున్నట్లు ఆ సంస్థ సీఈవో ఆండీ జాసీ ప్రకటించారు.
Amazon India Investment | సమావేశం తర్వాత ప్రకటన..
ప్రధానమంత్రి నరేంద్ర మోదీతో న్యూఢిల్లీలో సమావేశమైన అనంతరం ఆండీ జాసీ ఈ విషయాన్ని వెల్లడించారు. భారతదేశం డిజిటల్ ఆర్థిక వ్యవస్థలో సాధిస్తున్న పురోగతిని ఆయన ప్రశంసించారు. తమ భవిష్యత్ ప్రణాళికలు భారత్ లక్ష్యాలకు అనుగుణంగానే ఉంటాయని పేర్కొన్నారు.
Amazon India Investment | పెట్టుబడుల ప్రత్యేకతలు..
ఈ 48 బిలియన్ డాలర్ల మొత్తంలో సుమారు 21 బిలియన్ డాలర్లను కృత్రిమ మేధస్సు (AI) , క్లౌడ్ మౌలిక వసతుల కోసం కేటాయిస్తున్నారు. ఇందులో తాజాగా అదనంగా 13 బిలియన్ డాలర్లను ఈ రంగానికి కేటాయించడం విశేషం. ముంబై, హైదరాబాద్లలోని అమెజాన్ వెబ్ సర్వీసెస్ (AWS) డేటా సెంటర్లను విస్తరించడం ద్వారా స్టార్టప్లు, ప్రభుత్వ సంస్థలు, , వ్యాపారాలకు అధునాతన సాంకేతిక సేవలు అందుబాటులోకి వస్తాయి. 2030 నాటికి 38 లక్షల ఉద్యోగాలను సృష్టించడం, 1.5 కోట్ల చిన్న వ్యాపారాలకు డిజిటల్ సహకారం అందించడం, , 80 బిలియన్ డాలర్ల ఎగుమతులకు తోడ్పడటం అమెజాన్ లక్ష్యంగా పెట్టుకుంది.
Amazon India Investment | ఏమిటి దీని ప్రాముఖ్యత?
2010 నుంచి ఇప్పటి వరకు భారత్లో అమెజాన్ చేసిన మొత్తం పెట్టుబడులు ఇప్పుడు 88 బిలియన్ డాలర్లకు చేరాయి. దేశంలో మల్టీనేషనల్ కంపెనీలు చేస్తున్న అతిపెద్ద పెట్టుబడుల్లో ఇది ఒకటిగా నిలుస్తుంది. డిజిటల్ మౌలిక వసతుల అభివృద్ధికి అమెజాన్ ఇస్తున్న ఈ భారీ ప్రాధాన్యత, భారత్ను గ్లోబల్ టెక్నాలజీ హబ్గా నిలపడంలో కీలక పాత్ర పోషించనుంది.
A great meeting with Mr. Andy Jassy. I welcome Amazon’s record $48 billion investment in India. This will create new opportunities for our youth. At the same time, it shows the growing interest across the world to invest in India!@amazon https://t.co/emr6Dd9Cps
— Narendra Modi (@narendramodi) June 25, 2026
ఇది కూడా చదవండి: Nalgonda Family Murder | ఆస్తి కోసం భర్తతో కలిసి తల్లిని చంపిన కూతురు.. వీడిన నల్గొండ హత్యల మిస్టరీ
