అక్షరటుడే, వెబ్డెస్క్: Anantapur honey trap | ఆంధ్రప్రదేశ్లోని అనంతపురంలో హనీట్రాప్ వ్యవహారం కలకలం రేపింది. మహిళలను ఎరగా వేసి, లక్షల రూపాయలు దోచుకుంటున్న ముఠా కార్యకలాపాలు వెలుగులోకి వచ్చాయి.
Anantapur honey trap | పని ఉందంటూ..
సదరు హనీట్రాప్ ముఠా ముందుగా బాధితులను టార్గెట్ చేసి “పని ఉంది” అంటూ మహిళను పంపిస్తుంది. ఆ తర్వాత ఏకాంతంగా మాట్లాడుతున్న సమయంలో ముఠా సభ్యులు అకస్మాత్తుగా దాడి చేసి బెదిరింపులకు దిగుతున్నట్లు తెలిసింది. డబ్బు ఇవ్వకపోతే రేప్ కేసులు పెడతామని బెదిరిస్తూ పెద్ద మొత్తంలో నగదు వసూలు చేస్తున్నారని బాధితులు చెబుతున్నారు.
ఇప్పటికే ఓ రియల్ ఎస్టేట్ వ్యాపారి నుంచి దాదాపు రూ.10 లక్షలు, జ్యోతిష్యుడి నుంచి రూ.5 లక్షలు వసూలు చేసినట్లు సమాచారం. ఈ ఘటనపై బాధితులు ఇప్పటికే అనంతపురం ఎస్పీ జగదీష్కు ఫిర్యాదు చేశారు.
Anantapur honey trap | నెట్టింట వైరల్..
ఇక ఈ కేసుకు సంబంధించిన ఆడియో టేపులు సోషల్ మీడియాలో వైరల్గా మారడంతో విషయం మరింత చర్చనీయాంశమైంది. ఇదిలా ఉండగా, ఈ వ్యవహారంలో నిర్లక్ష్యం వహించారన్న ఆరోపణలతో రాప్తాడు సీఐ హర్షను ఉన్నతాధికారులు వీఆర్కు పంపినట్లు సమాచారం.
ప్రస్తుతం పోలీసులు ఈ ఘటనపై దర్యాప్తు చేపట్టి, ముఠా సభ్యులను గుర్తించే పనిలో ఉన్నారు. జిల్లాలో ఇటువంటి ఘటనలు పునరావృతం కాకుండా కఠిన చర్యలు తీసుకుంటామని అధికారులు తెలిపారు.
ఇది కూడా చదవండి: Vijayawada college harassment | ఆయుర్వేద కళాశాలలో లైంగిక వేధింపుల కలకలం
ఇది కూడా చదవండి: Indian Woman Speech | ‘మతాన్ని మార్చం.. మనసులను గెలుస్తాం!’ టెక్సాస్ కౌన్సిల్ హాల్లో ప్రతిధ్వనించిన భారతీయ గళం
