అక్షరటుడే, వెబ్డెస్క్: Balapur Fire Accident | హైదరాబాద్ (Hyderabad)లోని బాలాపూర్లో భారీ అగ్ని ప్రమాదం చోటు చేసుకుంది. ఓ ప్లాస్టిక్ గోదాములో అర్ధరాత్రి మంటలు చెలరేగాయి.
నబీల్ కాలనీలోని గోదాములో మంటలు చెలరేగగా, లోపల నిల్వ ఉంచిన పాత రసాయనాల డ్రమ్ములు పేలిపోయాయి. గోదాము నుంచి దట్టమైన పొగలు అలుముకోవడంతో స్థానికులు భయాందోళనలకు గురయ్యారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకొని మంటలను ఆర్పివేశారు. ఈ ప్రమాదంలో ఎలాంటి ప్రాణనష్టం జరగలేదని అధికారులు తెలిపారు.
Balapur Fire Accident | రసాయన డ్రమ్ములతో..
గోదాములో మంటలు అంటుకున్న తర్వాత రసాయన డ్రమ్ములు పేలడంతో తీవ్రత ఎక్కువ అయింది. పోలీసులు, అగ్నిమాపక సిబ్బంది సహాయక చర్యలు చేపట్టారు. అయితే ప్రమాదం ఎలా జరిగిందన్న వివరాలు తెలియరాలేదు. పోలీసులు కేసు నమోదు చేసుకొని దర్యాప్తు చేస్తున్నారు. ఈ ఘటనలో భారీగా ఆస్తినష్టం జరిగింది. కాగా నగరంలో ఇటీవల తరచూ అగ్ని ప్రమాదాలు చోటు చేసుకుంటున్నాయి. భవనాలు, ఫర్నిచర్ దుకాణాలు, పరిశ్రమలు, గోదాముల్లో ఎక్కువగా మంటలు వ్యాపిస్తున్నాయి. అయినా సంబంధిత అధికారులు ప్రమాదాల నివారణకు ఎలాంటి చర్యలు చేపట్టడం లేదు.
ఇదికూడాచదవండి: Hyderabad Water Supply | హైదరాబాద్వాసులకు అలర్ట్.. తాగునీటి సరఫరాలో అంతరాయం
