అక్షరటుడే, నిజామాబాద్ అర్బన్: BC JAC Protest | ఫీజు రీయింబర్స్మెంట్ (Fee Reimbursement) బకాయిల విడుదల చేయాలని డిమాండ్ చేస్తూ గురువారం తలపెట్టిన కళాశాలల బంద్ను సక్సెస్ చేయాలని బీసీ జేఏసీ రాష్ట్ర కమిటీ పిలుపునిచ్చింది. ఈ మేరకు నిజామాబాద్ బీసీ సంక్షేమ సంఘం జిల్లా అధ్యక్షుడు నరాల సుధాకర్(Narala Sudhakar) మీడియాతో మాట్లాడారు.
BC JAC Protest | పాత పద్ధతిలోనే ఫీజు రీయింబర్స్మెంట్ ఇవ్వాలి..
బీసీ జేఏసీ ఛైర్మన్ జాజుల శ్రీనివాస్ గౌడ్ రాష్ట్రవ్యాప్తంగా కళాశాలల బంద్ చేపట్టాలని పిలుపునిచ్చారని నరాల సుధాకర్ పేర్కొన్నారు. బంద్లో భాగంగా ఇంటర్(Inter), డిగ్రీ(Degree), పీజీ, బీఎడ్, ఫార్మసీ, ఇంజినీరింగ్, పాలిటెక్నిక్, ఫిజియోథెరపీ తదితర కాలేజీలు బంద్ చేసి సహకరించాలని ఆయన విజ్ఞప్తి చేశారు. పాత పద్ధతిలోనే ఫీజుల రీయింబర్స్మెంట్ స్కీంను యధావిధిగా అమలు చేయాలని, నాలుగేళ్లుగా పెండింగ్లో ఉన్న ఫీజుల బకాయిలను తక్షణమే విడుదల చేయాలని ఆయన డిమాండ్ చేశారు. పదివేల ర్యాంకు నిబంధనను ఎత్తివేయాలని డిమాండ్ చేస్తూ ప్రజాస్వామ్యబద్ధంగా, శాంతియుతంగా రాష్ట్ర ప్రభుత్వంపై ఒత్తిడి పెంచడానికి బీసీజేఏసీ ఆధ్వర్యంలో అఖిలపక్ష విద్యార్థి సంఘాల మద్దతుతో బంద్ పాటిస్తున్నామన్నారు. జిల్లాలోని అన్ని కళాశాలలు రేపటి బంద్ సహకరించి తమ కళాశాలలను బంద్ చేయాలని ఆయన విజ్ఞప్తి చేశారు. సమావేశంలో బీసీ సంక్షేమ సంఘం నాయకులు దర్శనం దేవేందర్, కొయ్యాడ శంకర్, చంద్రకాంత్, శ్రీలత, బగ్గలి అజయ్, లక్ష్మణ్ గౌడ్, రేఖ, అవుసుల రాము తదితరులు పాల్గొన్నారు.
ఇది కూడా చదవండి: మరో ఎలక్ట్రికల్ బస్సులో మంటలు
