అక్షరటుడే, కామారెడ్డి: Bharat Summit Protest | భారత్ సమ్మిట్ పేరిట రాష్ట్ర ప్రభుత్వం 70 దేశాలకు చెందిన వెయ్యి మంది దేశ వ్యతిరేక శక్తులైన విదేశీయులను హైదరాబాద్కు పిలిచారంటూ బీజేపీ నాయకులు ఆగ్రహం వ్యక్తంచేశారు. బీజేపీ రాష్ట్ర శాఖ పిలుపు మేరకు శనివారం జిల్లా కేంద్రంలోని(Kamareddy) నిజాంసాగర్ చౌరస్తాలో కాంగ్రెస్ ప్రభుత్వ దిష్టిబొమ్మ దగ్ధం చేసేందుకు ప్రయత్నం చేయగా పోలీసులు అడ్డుకున్నారు.
Bharat Summit Protest | పోలీసులు, బీజేపీ నాయకులకు మధ్య తోపులాట..
ఈ క్రమంలో కాసేపు పోలీసులకు, బీజేపీ నాయకులకు మధ్య తోపులాట జరిగింది. ఈ సందర్భంగా బీజేపీ జిల్లా అధ్యక్షుడు నీలం చిన్న రాజులు మాట్లాడుతూ.. అభివృద్ధి కోసం, పెట్టుబడుల కోసం, భవిష్యత్తు తరాల కోసం సమ్మిట్లు పెడతారన్నారు. కానీ రాష్ట్ర ప్రభుత్వం భారత దేశాన్ని ద్వేషించే శక్తులతో, నయా పైసా పనికి రాని 70 దేశాలకు చెందిన దాదాపు వెయ్యి మందిని పిలిచి దేశంపై, భారత వ్యవస్థలపై విషం చిమ్మడమే పనిగా పెట్టుకున్నారని విమర్శించారు. ప్రజా సొమ్ముతో పెట్టిన సమ్మిట్ వల్ల ప్రజలకు గానీ, రాష్ట్రానికి గానీ ఒక్క రూపాయి కూడా ప్రయోజనం లేదన్నారు. రేవంత్ ప్రభుత్వానికి చిత్తశుద్ధి ఉంటే ప్రజలకు ఉపయోగపడే పనులు చేయాలని డిమాండ్ చేశారు.
ఇది కూడా చదవండి: చట్టాన్ని పూర్తిగా అమలు చేస్తేనే.. గిగ్ వర్కర్లకు పూర్తి న్యాయం
