అక్షరటుడే, వెబ్డెస్క్ : Cannabis Cultivation | ఈశాన్య రాష్ట్రాల్లో గంజాయి దందా జోరుగా సాగుతోంది. కొండ ప్రాంతాల్లో కొందరు భారీగా గంజాయి సాగు చేస్తున్నారు. అనంతరం దానిని దేశంలోని పలు ప్రాంతాలకు సరఫరా చేస్తున్నారు. ఇటీవల అధికారులు, పోలీసులు భారీ ఆపరేషన్ చేపట్టి అరుణాచల్ ప్రదేశ్లో గంజాయి మొక్కలను ధ్వంసం చేశారు.
Cannabis Cultivation | భారీ ఆపరేషన్
అరుణాచల్ ప్రదేశ్ (Arunachal Pradesh)లోని వెస్ట్ కామెంగ్ జిల్లా కలక్తాంగ్ సబ్-డివిజన్‌లో సుమారు 458 ఎకరాల విస్తీర్ణంలో గంజాయి సాగు చేస్తున్నారు. పక్కా సమాచారం అధికారులు భారీ ఆపరేషన్ చేపట్టారు. అక్టోబర్ 26 నుండి నవంబర్ 3 వరకు చేపట్టిన ఆపరేషన్లో 1.37 లక్షల కిలోలకు పైగా గంజాయి మొక్కలను ధ్వంసం చేశారు. నార్కోటిక్స్ కంట్రోల్ బ్యూరో (NCB), ఇటానగర్ జోనల్ యూనిట్, SSB, CRPF మరియు అరుణాచల్ ప్రదేశ్ పోలీసులు ఈ ఆపరేషన్లో పాల్గొన్నారు. కామెంగ్ పోలీసులు & జిల్లా యంత్రాంగం నిర్వహించిన క్షేత్రస్థాయి సర్వేలు మరియు NCB అందించిన శాటిలైట్ చిత్రాల సహాయంతో గంజాయి సాగు చేస్తున్న ప్రాంతాలను గుర్తించారు.
ఇది కూడా చదవండి..: E20 Petrol Controversy | కర్ణాటకలో ఈ 20 పెట్రోల్పై వివాదం
