అక్షరటుడే, వెబ్డెస్క్ : Cannabis Seizure | శంషాబాద్ విమానాశ్రయంలో (Airport) డీఆర్ఐ (DRI) అధికారులు భారీగా గంజాయి పట్టుకున్నారు. నిందితులు ఎలక్ట్రిక్ గీజర్‌లో దాచి గంజాయిని తీసుకొచ్చారు. అనుమానం వచ్చిన అధికారులు తనిఖీలు చేశారు. 7.75 కిలోల అత్యంత నాణ్యమైన గంజాయి స్వాధీనం చేసుకున్నారు. దాని విలువ రూ.2.71 కోట్లు ఉంటుందని అంచనా.
Cannabis Seizure | బ్యాంకాక్ నుంచి..
పక్కా సమాచారం మేరకు థాయ్‌లాండ్‌లోని బ్యాంకాక్ నుంచి వచ్చిన భారతీయ ప్రయాణికుడిని హైదరాబాద్ జోనల్ యూనిట్ DRI అధికారులు అడ్డగించారు. అనంతరం అతడి లగేజీని తనిఖీ చేశారు. అందులో ఒక ఎలక్ట్రిక్ గీజర్ లభించింది. ఆ పరికరాన్ని తెరిచి చూడగా, మొత్తం 7.750 కిలోల 73 ప్యాకెట్లను వారు స్వాధీనం చేసుకున్నారు. డ్రగ్స్ డిటెక్షన్ కిట్‌ను ఉపయోగించి పరీక్షించగా, ఆ పదార్థం గంజాయి అని తేలింది. దానిని స్వాధీనం చేసుకొని ప్రయాణికుడిని అరెస్టు చేశారు.
దీనిని కూడా చదవండి : Electricity Demand | ఎల్‌నినో ప్రభావంతో పెరిగిన విద్యుత్ డిమాండ్
