అక్షరటుడే, వెబ్డెస్క్ : CJP Protest Bengaluru | బెంగళూరులో హై టెన్షన్ నెలకొంది. సీజేపీ ఆందోళన నేపథ్యంలో పోలీసులు భారీగా మోహరించారు. కేంద్ర ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని ఫ్రీడమ్‌ పార్కు వేదికగా సీజేపీ నిరసన చేపట్టింది.
కర్ణాటకలో ఎస్ఐఆర్లో తొలగించిన ఓట్లను తిరిగి చేర్చాలని నిరసనకారులు డిమాండ్ చేశారు. సీజేపీ ఆందోళనకు ధృవ్ రాఠే మద్దతు ప్రకటించారు. ఆయనతో పాటు నటుడు ప్రకాశ్రాజ్ సైతం ఆందోళనల్లో పాల్గొన్నారు. అక్టోబర్ 10న జరగనున్న తమ నిరసనకు ముందుగా, ప్రధాన ఎన్నికల కమిషనర్ జ్ఞానేష్ కుమార్ (Gyanesh Kumar)కు వ్యతిరేకంగా ఐక్య సమీకరణకు సీజేపీ, ఏఐఎస్ఏ ఇతర విద్యార్థి సంఘాలు పిలుపునిచ్చాయి.
CJP Protest Bengaluru | హాజరైన ఎస్ఐఆర్ బాధితులు
బెంగళూరులో ఒక ‘ప్రజా న్యాయస్థానం’ నిర్వహిస్తున్నట్లు ప్రకాశ్ రాజ్ తెలిపారు. ఇందులో కర్ణాటక వ్యాప్తంగా ఉన్న ఎస్ఐఆర్ బాధితులు పాల్గొన్నారు. ఎన్నికల కమిషనర్ రాజీనామా చేయాలని ఆందోళనకారులు డిమాండ్ చేశారు. నిరసన నేపథ్యంలో బెంగళూరు పోలీసులు అప్రమత్తం అయ్యారు. ఎలాంటి అవాంఛనీయ ఘటనలు చోటు చేసుకోకుండా భారీగా బలగాలను మోహరించారు.
ఇది కూడా చదవండి..: Starlink India Services | భారత్లో ‘స్టార్లింక్’ సేవలను అడ్డుకుంటున్న కుబేరులు : ఎలాన్ మస్క్
