అక్షరటుడే, వెబ్డెస్క్: Delimitation Bill | మహిళా రిజర్వేషన్, డీలిమిటేషన్ బిల్లుపై మరోసారి కేంద్ర ప్రభుత్వం (Central Government) కసరత్తు చేస్తొంది. ఈ మేరకు పార్లమెంట్ ప్రత్యేక సమావేశాలు నిర్వహించాలని భావిస్తున్నట్లు సమాచారం.
బడ్జెట్ సమావేశాల సమయంలో కేంద్రం డీలిమిటేషన్, మహిళా రిజర్వేషన్ బిల్లులను తీసుకొచ్చింది. అయితే సరైనా సంఖ్య బలం లేకపోవడంతో లోక్సభలో ఆ బిల్లు ఆమోదం పొందలేదు. దీంతో మరోసారి ఈ బిల్లులను సభలో ప్రవేశ పెట్టాలని కేంద్రం భావిస్తోంది. సభలో తమకు తగినంత సంఖ్యాబలం ఉందని ప్రభుత్వం ధీమాగా ఉందని, అందుకే ప్రత్యేక సమావేశాన్ని ఏర్పాటు చేసే అవకాశం ఉందని తెలిసింది.
Delimitation Bill | డీఎంకేతో చర్చలు
ఈ బిల్లుల ఆమోదం కోసం మూడింట రెండొంతుల మెజారిటీ అవసరం. ప్రస్తుతం ఎన్డీఏ కూటమికి అంత బలం లేదు. ఈ క్రమంలో ఇటీవల ఇండియా కూటమితో విడిపోయిన డీఎంకేతో కేంద్రం చర్చలు జరుపుతోంది. ఆ పార్టీ మద్దతు కూడగట్టడానికి ప్రయత్నాలు చేస్తోంది. మరోవైపు టీఎంసీ రెబల్ ఎంపీలు ఎన్సీపీఐ పార్టీలో చేరిన విషయం తెలిసిందే. వీరు కూడా కేంద్రానికి మద్దతు తెలిపే అవకాశం ఉంది. ఇటీవల వర్షాకాల సమావేశాలు ఆగస్టు 13న ముగిశాయి. అయితే సభను స్పీకర్ వాయిదా వేయలేదు. దీంతో ఈ నెలాఖరులో ప్రత్యేక సమావేశాలు నిర్వహిస్తారని ప్రచారం జరుగుతోంది.
Delimitation Bill | 360 ఓట్లు అవసరం..
ఈ బిల్లుల ఆమోదం కోసం మొత్తం సీట్లలో సుమారు 360 మంది ఎంపీల మద్దతు అవసరం. అయితే ఎన్డీఏ కూటమికి సొంతంగా అంత మెజారిటీ లేదు. 20 మంది తృణమూల్ ఎంపీలు, ఆరుగురు శివసేన (యూబీటీ) ఎంపీలు ఇటీవల అధికార పక్షంలో చేరారు. దీంతో ఎన్డీఏ బలం పెరిగింది. మరోవైపు డీఎంకేతో బీజేపీ సంప్రదింపులు జరుపుతోంది. ఎనిమిది మంది ఎంపీలు ఉన్న ఎన్‌సీపీ (ఎస్పీ) వంటి ఇతర పార్టీల నుంచి కూడా ప్రభుత్వం మద్దతు ఆశిస్తున్నట్లు సమాచారం.
ఇది కూడా చదవండి..: ram sugar rani rajput | ఏడు పదుల ప్రేమామృతం.. రీల్స్ మహిమో, ఆస్తుల మహత్యమో!
