అక్షరటుడే, కామారెడ్డి: Farmer Burns Paddy Crop | సర్కారు చెప్పిందని సన్నరకం వేశాడు ఆరైతు.. కాని దోమపోటు ఓవైపు.. కరెంటు కోతలు మరోవైపు.. దీంతో చేసేదేంలేక కన్నీళ్లు దిగమింగుకుని పంటకు నిప్పుపెట్టాడు. ఈ ఘటన పాల్వంచ మండలం (Palvancha Mandal) ఫరీద్పేటలో బుధవారం జరిగింది.
Farmer Burns Paddy Crop | 10 ఎకరాల్లో వరి పంట..
ఫరీద్పేట గ్రామానికి చెందిన వెంకట్ రెడ్డి 5 ఎకరాల సొంత భూమితో పాటు మరో 5 ఎకరాలు కౌలుకు తీసుకుని సాగు చేస్తున్నాడు. ప్రభుత్వం సన్నరకం పంట వేయాలని సూచించడంతో సన్నరకం పంట వేశాడు. పంట వేసే సమయంలో దోమపోటు సోకకుండా మూడు నాలుగు సార్లు పురుగు మందు పిచికారీ చేసినప్పటికీ ఫలితం లేకుండా పోయింది. దానికి తోడు పంటకు సరిపడా నీళ్లు లేకపోవడం, కరెంట్ కొరత ఉండటంతో విసుగు చెందిన రైతు బుధవారం డీజిల్ చల్లి పంటకు నిప్పు పెట్టాడు. ఈ ఘటన జిల్లాలో సంచలనం రేపింది.
ఇది కూడా చదవండి..: Bathukamma Celebrations | ఉషోదయ విద్యాసంస్థల్లో ఘనంగా బతుకమ్మ వేడుకలు
