అక్షరటుడే, వెబ్డెస్క్ : Hijra Mafia | రాష్ట్రంలో కొందరు హిజ్రాలు రెచ్చిపోతున్నారు. గృహ ప్రవేశం, పెళ్లిలు, షాప్ ఓపెనింగ్లు ఉంటే వచ్చి భారీగా డబ్బులు డిమాండ్ చేస్తున్నారు. ఇష్టం వచ్చినట్లు బూతులు మాట్లాడుతూ.. ప్రజలను ఇబ్బంది పెడుతున్నారు.
హిజ్రాల తీరుపై నెటిజన్లు ఆగ్రహం వ్యక్తం చేస్తున్నారు. పోలీసులు కఠిన చర్యలు చేపట్టాలని కోరుతున్నారు. హైదరాబాద్ (Hyderabad) నగరం నుంచి మొదలు కొని మారుమూల గ్రామాల వరకు హిజ్రాలు డబ్బుల పేరిట బెదిరింపులకు పాల్పడుతున్నారు. దీంతో ఇంట్లో శుభకార్యం చేసుకోవాలంటేనే ప్రజలు ఆలోచిస్తున్నారు. ఈ క్రమంలో ప్రత్యేక డ్రైవ్ చేపట్టి హిజ్రాలపై చర్యలు తీసుకుంటామని డీజీపీ సీవీ ఆనంద్ తెలిపారు. ఆయన వ్యాఖ్యలపై స్పందిస్తూ.. బీఆర్ఎస్ నాయకుడు ఆర్ఎస్ ప్రవీణ్కుమార్ సంచలన వ్యాఖ్యలు చేశారు. హిజ్రా మాఫియా ముఠాల వెనక కాంగ్రెస్ హస్తం ఉందన్నారు.
Hijra Mafia | వసూళ్లు చేస్తే నేరం
డీజీపీ, రేవంత్ రెడ్డి లాగానే ప్రజలను తప్పుదోవ పట్టిస్తున్నారని ప్రవీణ్కుమార్ అన్నారు. అసలా హిజ్రాలా, నకిలీ హిజ్రాలా అన్నది సమస్య కాదని, ఎవరు బలవంతపు వసూళ్లు చేసినా అది నేరమే అన్నారు. ఈ హిజ్రాలుగా నటిస్తూ డబ్బులు వసూలు చేస్తున్న మాఫియా వెనక ఉన్నది స్థానిక కాంగ్రెస్ నాయకులు కాదా అని సంచలన వ్యాఖ్యలు చేశారు. వీళ్లు రోజూ దండుకున్న డబ్బుల్లో కొంత వాళ్లకు చేరుతున్నందుకే పోలీసులు చర్యలు తీసుకోవడం లేదని ఆరోపించారు. లేకపోతే ఈ గ్యాంగ్లకు ఎక్కడెక్కడ ఫంక్షన్లు ఉంటాయో ఎట్ల తెలుసని ప్రశ్నించారు. ఈ విషయంపై పోలీసులు ఒక సిట్ ఏర్పాటు చేయాలని ఆయన డిమాండ్ చేశారు.
Hijra Mafia| టాస్క్ఫోర్స్ ఏర్పాటు చేయాలి
హిజ్రాలలో కూడా మంచి వాళ్ళు ఉంటారని ఆయన అన్నారు. చట్టప్రకారం పని చేసి పొట్ట నింపుకునే వాళ్ళు ఉంటారని తెలిపారు. వాళ్లని చేరదీసి, శిక్షణ ఇచ్చి, యూనిఫాం ఇచ్చి వాళ్లతో రెండు టాస్క్ ఫోర్సులు ఏర్పాటు చేయాలని ప్రవీణ్కుమార్ సూచించారు. వారితోనే ఈ మాఫియా నడుపుతున్న కాంగ్రెస్-హిజ్రా గూండాలను కంట్రోల్ చేయాలని సూచించారు.
ఇది కూడా చదవండి.. : Harish Rao Comments | ఇది శాసనసభనా లేక కౌరవసభనా?.. కాంగ్రెస్ ప్రభుత్వంపై హరీశ్రావు ఆగ్రహం
