అక్షరటుడే, వెబ్డెస్క్ : Hyderabad Police Firing | హైదరాబాద్ (Hyderabad) నగరంలో మంగళవారం అర్ధరాత్రి కాల్పులు కలకలం రేపాయి. మోస్ట్ వాంటెండ్ నిందితుడిని పట్టుకునేందుకు పోలీసులు కాల్పులు జరిపారు.
నల్గొండ జిల్లాలో చోరీలకు పాల్పడిన నిందితుడు హైదరాబాద్లో ఉన్నట్లు పోలీసులకు సమాచారం అందింది. దీంతో నల్గొండ సీసీఎస్ (Nalgonda CCS) పోలీసులు అతడిని పట్టుకునేందుకు హైదరాబాద్ వెళ్లారు. ఈ క్రమంలో ఆదిభట్ల వద్ద ఔటర్ రింగ్ రోడ్డు సమీపంలో నిందితుడిని అదుపులోకి తీసుకోవడానికి యత్నించారు.
Hyderabad Police Firing | కత్తితో దాడి
పోలీసులను చూసిన నిందితుడు భూష్మి శ్రీకాంత్ వారిపై కత్తితో దాడి చేసి తప్పించుకునే ప్రయత్నం చేశాడు. దీంతో పోలీసులు అప్రమత్తమై అతడి కాళ్లపై కాల్పులు జరిపారు. ఈ ఘటన రాత్రి 11:30 గంటలకు చోటు చేసుకుంది. అనంతరం స్వల్ప గాయాలు అయిన శ్రీకాంత్ను వనస్థలిపురంలోని ప్రభుత్వ ఆస్పత్రికి తరలించారు. 10కి పైగా దొంగతనాల కేసుల్లో నిందితుడిగా, ఆంధ్రప్రదేశ్కు చెందిన ఒక కానిస్టేబుల్ హత్య కేసులోనూ నిందితుడిగా ఉన్న శ్రీకాంత్ ఈ ఘటనలో రెండు కాళ్ళకూ బుల్లెట్ గాయాలపాలయ్యాడు. ఈ ఘటనలో నల్గొండ సీసీఎస్ హెడ్ కానిస్టేబుల్ విష్ణువర్ధన గిరి తలకు గాయం అయినట్లు సమాచారం.
దీనిని కూడా చదవండి : Heavy Rain Alert | నేడు పలు ప్రాంతాలకు భారీ వర్ష సూచన
