అక్షరటుడే, వెబ్డెస్క్ : Iran Peace Agreement | నాలుగు రోజుల భారత పర్యటనలో ఉన్న అమెరికా విదేశాంగ కార్యదర్శి మార్కో రూబియో (Marco Rubio) ఇరాన్తో శాంతి ఒప్పందానికి సంబంధించి ఈ రోజు తర్వాత ‘శుభవార్త’ వచ్చే అవకాశం ఉందని ఢిల్లీలో విలేకరులతో అన్నారు. రాబోయే కొద్ది గంటల్లో ప్రపంచానికి ఒక శుభవార్త అందే అవకాశం ఉందని భావిస్తున్నట్లు తెలిపారు.
అమెరికా-ఇజ్రాయెల్ (America – Israel) సంయుక్త దాడికి ప్రతిస్పందనగా ఇరాన్ చాలా వరకు దిగ్బంధించిన హర్ముజ్ జలసంధి (Strait of Hormuz)పై ఉన్న ఆందోళనలను ఈ కుదురుతున్న శాంతి ఒప్పందం పరిష్కరిస్తుందని రూబియో అన్నారు. ఈ ఒప్పందం “అంతిమంగా అధ్యక్షుడు కోరుకున్న స్థితికి మనల్ని చేర్చగల ఒక ప్రక్రియను ప్రారంభిస్తుంది, అదేమిటంటే ఇరాన్ అణ్వాయుధం గురించి ప్రపంచం ఇకపై భయపడాల్సిన లేదా ఆందోళన చెందాల్సిన అవసరం లేని స్థితి అని అన్నారు.
Iran Peace Agreement | శాంతి ఒప్పందం
అమెరికా అధ్యక్షుడు డొనాల్డ్ ట్రంప్ (Donald Trump), ఈ రోజు ఉదయం, ఇజ్రాయెల్ ఈ ప్రాంతంలోని ఇతర మిత్రదేశాలతో జరిపిన సంభాషణల అనంతరం ఇరాన్తో శాంతి ఒప్పందం చాలా వరకు కుదిరిందని చెప్పారు. ఇది మూడు నెలలుగా సాగుతున్న యుద్ధానికి ముగింపు పలికేందుకు మార్గం సుగమం చేసే అవకాశం ఉంది. ఒప్పందంలో భాగంగా హర్ముజ్ జలసంధిని తిరిగి తెరుస్తామని ట్రంప్ చెప్పారు. అయితే, హర్ముజ్పై టెహ్రాన్ నియంత్రణను కొనసాగిస్తుందని చెబుతూ, ట్రంప్ వాదనను ఇరాన్ తిరస్కరించింది.
Iran Peace Agreement | భారత్తో కలిసి నడుస్తాం
అమెరికాతో వాణిజ్య ఒప్పందంపై చర్చలు జరుగుతున్నాయని విదేశాంగ మంత్రి జైశంకర్ తెలిపారు. త్వరలోనే ఒక అమెరికా బృందం భారత్ కు రానుందని పేర్కొన్నారు. గల్ఫ్ సంక్షోభం, రష్యా-ఉక్రెయిన్ యుద్ధంపై చర్చించినట్లు అమెరికా విదేశాంగ మంత్రి రూబియో తెలిపారు. ఉగ్రవాదంపై పోరులో ఇరుదేశాలు కలిసి నడుస్తాయని చెప్పారు.
దీనిని కూడా చదవండి : White House Shooting | వైట్ హౌస్ వద్ద బుల్లెట్ల వర్షం.. 30 రౌండ్ల కాల్పులు!
