అక్షరటుడే, కామారెడ్డి: Kamareddy ISRO Tour | జిల్లాలోని (Kamareddy) ప్రభుత్వ పాఠశాలల్లో పదో తరగతి చదువుతున్న బాలికలకు ఇస్రో ఎక్స్పోజర్ విజిట్లో భాగంగా ఆన్లైన్ పరీక్ష నిర్వహించనున్నారు. ఈ మేరకు జిల్లా విద్యాశాఖ అధికారి మల్లికార్జున్ ప్రకటన విడుదల చేశారు.
Kamareddy ISRO Tour | మెరిట్ సాధించిన 50మంది బాలికలకు..
ఈ పరీక్షలో మెరిట్ సాధించిన 50మంది బాలికలను ఇస్రో శ్రీహరికోట (ISRO Sriharikota) టూర్కు తీసుకెళ్లనున్నారని మల్లికార్జున్ తెలిపారు. ఆన్లైన్ పరీక్ష ఈనెల 31న నిర్వహించనున్నట్టు తెలిపారు. పరీక్షలో పాల్గొనే విద్యార్థినులు గూగుల్ ఫామ్ ద్వారా రిజిస్ట్రేషన్ చేసుకోవాలని సూచించారు. పరీక్షా వేదిక విద్యార్థుల నమోదు ఆధారంగా డివిజన్లలో లేదా జిల్లాలో నిర్వహించాలనేది నిర్ణయించనున్నారని పేర్కొన్నారు. పరీక్ష సిలబస్లో గణితం 6వ తరగతి నుండి 10వ తరగతి వరకు, భౌతికశాస్త్రం 8వ తరగతి నుండి 10వ తరగతి వరకు, అంతరిక్ష శాస్త్రం ఉంటుందన్నారు. అంతరిక్ష శాస్త్రంలో భారతదేశం అంతరిక్ష శాస్త్రానికి చేసిన కృషి, అంతర్జాతీయ అంతరిక్ష సంస్థలు, సౌర వ్యవస్థ, గ్రహాలు, గెలాక్సీలు విశ్వం, రాకెట్లు, ఉపగ్రహాలు, అంతరిక్ష సాంకేతికత, అంతరిక్ష మిషన్లు, వ్యోమగాములు, శాస్త్రవేత్తలు, అంతరిక్ష అన్వేషణ, భవిష్యత్ అంతరిక్ష అన్వేషణ అంశాలు ఉంటాయన్నారు. పూర్తి వివరాల కోసం జిల్లా సైన్స్ అధికారి సిద్దరాంరెడ్డిని 9697982888 ద్వారా సంప్రదించాలని సూచించారు.
ఇది కూడాచదవండి: ఆర్టీసీ బస్సును ఢీకొన్న లారీ..
