అక్షరటుడే, కామారెడ్డి : Kamareddy Red Cross | ఇటీవల నూతనంగా ఎన్నికైన ఇండియన్ రెడ్క్రాస్ సొసైటీ జిల్లా మేనేజ్‌మెంట్ కమిటీ కొలువుదీరింది. కలెక్టరేట్లోని(Kamareddy) మీటింగ్ హాల్లో నిర్వహించిన ఈ కార్యక్రమానికి కలెక్టర్ ఆశిష్ సంగ్వాన్ (Collector Ashish Sangwan) హాజరై కమిటీతో ప్రమాణస్వీకారం చేయించారు.
Kamareddy Red Cross | కొన్నేళ్లుగా అద్భుతమైన సేవలు
కలెక్టర్ మాట్లాడుతూ గత కొన్నేళ్లుగా రెడ్క్రాస్ సొసైటీ జిల్లాలో అద్భుతమైన సేవలు అందిస్తోందని కొనియాడారు. నూతన కమిటీ కృషితో కామారెడ్డి జిల్లా బ్రాంచ్ రాష్ట్రంలోనే అత్యధిక మెంబర్ షిప్ నమోదు చేసి రెండో స్థానంలో నిలవడంపై హర్షం వ్యక్తం చేశారు. కామారెడ్డి జిల్లాలో రెడ్క్రాస్ ఆధ్వర్యంలో బ్లడ్బ్యాంక్ ఏర్పాటుకు విశేష కృషి చేయాలని నూతన కమిటీకి కలెక్టర్ సూచించారు. బ్లడ్బ్యాంక్ ఏర్పాటుకు అవసరమైన ప్రభుత్వ స్థలాన్ని కేటాయించడంలో జిల్లా యంత్రాంగం తరపున పూర్తి సహకారం అందిస్తామని కీలక హామీ ఇచ్చారు.
Kamareddy Red Cross | ప్రజారోగ్యానికి సంబంధించి..
ప్రస్తుత వర్షాభావ పరిస్థితులను దృష్టిలో ఉంచుకుని ప్రజారోగ్యానికి సంబంధించిన అవగాహన కార్యక్రమాలు చేపట్టాలని కలెక్టర్ సూచించారు. కేంద్ర, రాష్ట్ర ప్రభుత్వాలు ప్రతిష్టాత్మకంగా అమలు చేస్తున్న నషా ముక్త్ భారత్, టీబీ ముక్త్ భారత్ వంటి కార్యక్రమాల్లో రెడ్క్రాస్ సొసైటీ ముందుండి పనిచేయాలన్నారు. బ్లడ్బ్యాంక్ ఏర్పాటు చేస్తే తనవంతు సహాయంగా రూ.5లక్షలు ఇస్తానని నూతన చైర్మన్ సంజీవరెడ్డి ప్రకటించారు. ఈ కార్యక్రమంలో ఇండియన్ రెడ్క్రాస్ సొసైటీ కామారెడ్డి బ్రాంచ్ నూతన ఛైర్మన్ డాక్టర్ సంజీవరెడ్డి, స్టేట్ ఎంసీ మెంబర్ డాక్టర్ ఎం.జైపాల్ రెడ్డి, వైస్ ఛైర్మన్గా దస్తిరామ్, ట్రెజరర్గా రమేష్ రెడ్డి, మాజీ ఛైర్మన్ రాజన్నతో పాటు డిస్ట్రిక్ట్ ఎంసీ మెంబర్స్గా నాగరాజు గౌడ్, కృష్ణ, గోవర్ధన్, సదాశివరెడ్డి, శ్రీధర్ జోషి, శ్రీకాంత్, దత్తాత్రి, కిరణ్ ప్రమాణ స్వీకారం చేశారు. ఈ కార్యక్రమంలో జిల్లా లేబర్ ఆఫీసర్ శశికుమార్, ఎలక్షన్ ఆఫీసర్ ప్రశాంత్ రెడ్డి, డీఈఓ మల్లికార్జున్, డీఎంహెచ్వో వెంకట్తో పాటు పలువురు జిల్లాస్థాయి అధికారులు, రెడ్క్రాస్ ప్రతినిధులు పాల్గొన్నారు.
ఇది కూడా చదవండి: హైదరాబాద్‌లోకి Rapido Ownly.. ఫుడ్ ధరలు తగ్గుతాయా?
