అక్షరటుడే, వెబ్డెస్క్: Kavitha Party Controversy | కల్వకుంట్ల కవిత కొత్త పార్టీ ఏర్పాటు చేశారు. తెలంగాణ రాష్ట్ర సేన (Telangana Rashtra Sena)గా తన పార్టీ పేరు పెట్టారు. గతంలో టీఆర్ఎస్ బీఆర్ఎస్గా మారిన విషయం తెలిసిందే. ఈ క్రమంలో కవిత తన పార్టీ పేరు టీఆర్ఎస్ వచ్చేలా పెట్టారు.
కవిత పార్టీ (Kavitha Party)పై బీఆర్ఎస్ సెటైర్లు వేసింది. ఒరిజినల్ ఒరిజినలే అని ఎక్స్లో పోస్ట్ చేసింది. కోల్గేట్, బిస్లేరి ఒరిజినల్, నకిలీ ఫొటోలను షేర్ చేస్తూ కవిత పార్టీ నకిలీదని అర్థం వచ్చేలా పోస్ట్ చేసింది. అంతేగాకుండా గతంలో వైఎస్ షర్మిల ఏర్పాటు చేసిన వైఎస్ఆర్ తెలంగాణ పార్టీ (Telangana Party)తో కవిత పార్టీని పోల్చింది. వైఎస్ఆర్సీపీకి బదులుగా షర్మిల వైఎస్ఆర్టీపీ పెట్టారని, తెలంగాణ రాష్ట్ర సమితి స్థానంలో కవిత తెలంగాణ రాష్ట్ర సేన ఏర్పాటు చేశారని ఎద్దేవా చేసింది. కాగా వైఎస్ఆర్టీపీ షర్మిల కాంగ్రెస్లో విలీనం చేసిన విషయం తెలిసిందే.
Kavitha Party Controversy | బీఆర్ఎస్కు షాక్
కవిత పార్టీతో బీఆర్ఎస్కు షాక్ ఇచ్చారు. ఇటీవల కేటీఆర్ పార్టీ పేరును మళ్లీ టీఆర్ఎస్గా మారుస్తామని ప్రకటించారు. ఈ క్రమంలోనే కవిత తన పార్టీ పేరులో టీఆర్ఎస్ (TRS) వచ్చేలా తెలంగాణ రాష్ట్ర సేన అని ప్రకటించడం గమనార్హం. రాష్ట్రంలో ప్రజలు ఇప్పటికే గులాబీ పార్టీని టీఆర్ఎస్ అనే పిలుస్తారు. బీఆర్ఎస్ అని చాలా మంది పలకరు. ఈ క్రమంలో టీఆర్ఎస్ పార్టీ పేరుతో కవిత బీఆర్ఎస్కు నష్టం చేకూర్చే అవకాశం ఉంది.
Kavitha Party Controversy | బీఆర్ఎస్ శ్రేణుల విమర్శలు
కవిత తన ప్రసంగంలో కేసీఆర్ (KCR) , బీఆర్ఎస్పై తీవ్ర విమర్శలు చేసిన విషయం తెలిసిందే. దీంతో బీఆర్ఎస్ నాయకులు ఆమెపై సోషల్ మీడియాలో విమర్శలు చేస్తున్నారు. ఈ రోజు పార్టీ ఏర్పాటు సందర్భంగా అన్ని పత్రికల్లో ఫుల్ పేజీ యాడ్స్ ఇచ్చారు. వాటికి డబ్బులు ఎక్కడి నుంచి వచ్చాయో చెప్పాలని ప్రశ్నిస్తున్నారు. ‘ఇంటిపేరు సార్ ఇచ్చిందే.. పార్టీ పేరు సార్ పెట్టింది కొద్దిగా మార్చి కాపీ చేసుకున్నావ్ అంతే’’ అని నెటిజన్లు కామెంట్ చేస్తున్నారు. గతంలో తెలంగాణలో అనేక పార్టీలు వచ్చి కాలగర్భంలో కలిసిపోయాయని, ఈ పార్టీ కూడా అంతే అని పోస్టులు చేస్తున్నారు.
ఇది కూడా చదవండి..: Kavitha Criticizes KCR | అవినీతి పందికొక్కుల్ని పక్కన పెట్టుకున్న కేసీఆర్ : కవిత
