అక్షరటుడే, వెబ్డెస్క్: May 20 Gold Rates | ప్రపంచ ఆర్థిక పరిస్థితులు, అంతర్జాతీయ ఉద్రిక్తతలు, డాలర్ మారకపు విలువల్లో మార్పులు వంటి అంశాల ప్రభావంతో బంగారం ధరలు Gold Rates రోజురోజుకు హెచ్చుతగ్గులను నమోదు చేస్తున్నాయి.
గత వారం నుంచి కొనసాగుతున్న ధరల మార్పులు ఈ వారం కూడా కొనసాగుతున్నాయి. వారాంతంలో తగ్గుముఖం పట్టిన బంగారం ధరలు, మళ్లీ స్వల్పంగా పెరిగి వినియోగదారులను ఆశ్చర్యానికి గురిచేస్తున్నాయి.
May 20 Gold Rates | హైదరాబాద్ బులియన్ మార్కెట్లో
గుడ్ రిటర్న్స్ వెబ్సైట్ వివరాల ప్రకారం, మే 20 ఉదయం 6:30 గంటల సమయానికి హైదరాబాద్ బులియన్ మార్కెట్లో బంగారం ధరలు స్వల్పంగా పెరిగాయి. ప్రస్తుతం 24 క్యారెట్ల 10 గ్రాముల మేలిమి బంగారం ధర రూ.1,57,050గా నమోదైంది. అలాగే 22 క్యారెట్ల 10 గ్రాముల ఆభరణాల బంగారం ధర రూ.1,43,960గా కొనసాగుతోంది.
May 20 Gold Rates | వెండి ధరలు..
వెండి ధరల్లో Silver Rates మాత్రం తగ్గుదల కనిపిస్తోంది. ప్రస్తుతం హైదరాబాద్ మార్కెట్లో కిలో వెండి ధర రూ.2,99,900గా ఉంది. ఇటీవల కొన్ని రోజులుగా వెండి ధరలు కూడా తీవ్ర హెచ్చుతగ్గులకు లోనవుతున్నాయి.
దేశంలోని ప్రధాన నగరాల్లో కూడా బంగారం ధరల్లో స్వల్ప వ్యత్యాసాలు కనిపిస్తున్నాయి. చెన్నైలో 24 క్యారెట్ల 10 గ్రాముల బంగారం ధర రూ.1,62,230గా ఉండగా, 22 క్యారెట్ల బంగారం ధర రూ.1,48,710గా నమోదైంది.
ముంబైలో 24 క్యారెట్ల 10 గ్రాముల పసిడి ధర రూ.1,57,050గా ఉండగా, 22 క్యారెట్ల ధర రూ.1,43,960గా ఉంది. దేశ రాజధాని ఢిల్లీలో 24 క్యారెట్ల 10 గ్రాముల బంగారం ధర రూ.1,57,200గా ఉండగా, 22 క్యారెట్ల బంగారం ధర రూ.1,43,960 వద్ద కొనసాగుతోంది.
ఇక వెండి ధరల విషయానికి వస్తే దేశవ్యాప్తంగా కిలో వెండి ధరలు రూ.3 లక్షల దిగువకు చేరుకున్నాయి. ప్రస్తుతం వివిధ నగరాల్లో కిలో వెండి ధరలు రూ.2.84 లక్షల నుంచి రూ.2.99 లక్షల మధ్య కదలాడుతున్నాయి.
May 20 Gold Rates | మరింత ప్రభావం
అంతర్జాతీయ మార్కెట్ పరిస్థితులు కూడా విలువైన లోహాల ధరలపై ప్రభావం చూపుతున్నాయి. ప్రస్తుతం అంతర్జాతీయ మార్కెట్లో ఔన్స్ (31.10 గ్రాములు) బంగారం ధర 4,491 డాలర్ల Dollars వద్ద ట్రేడవుతుండగా, వెండి ధర ఔన్స్కు 74 డాలర్ల వద్ద కొనసాగుతోంది.
మార్కెట్ నిపుణుల అభిప్రాయం ప్రకారం, అంతర్జాతీయ రాజకీయ పరిణామాలు, కేంద్ర బ్యాంకుల విధానాలు, డాలర్ బలపడటం లేదా బలహీనపడటం వంటి అంశాలు రానున్న రోజుల్లో బంగారం, వెండి ధరలపై మరింత ప్రభావం చూపే అవకాశం ఉంది. దీంతో పెట్టుబడిదారులు, బంగారం కొనుగోలు చేయాలనుకునే వారు మార్కెట్ పరిస్థితులను జాగ్రత్తగా గమనించాలని సూచిస్తున్నారు.
