అక్షరటుడే, వెబ్డెస్క్: Medical Shops Bandh | దేశవ్యాప్తంగా నేడు మెడికల్ షాపులు పూర్తిస్థాయిలో బంద్ కానున్నాయి. ఆన్లైన్లో మందుల అమ్మకాలను (ఇ-ఫార్మసీ) తీవ్రంగా వ్యతిరేకిస్తూ ఆల్ ఇండియా ఆర్గనైజేషన్ ఆఫ్ కెమిస్ట్స్ & డ్రగ్గిస్ట్స్ (AIOCD) ఈ దేశవ్యాప్త బంద్కు పిలుపునిచ్చింది.
ఈ నిరసనలో భాగంగా దేశవ్యాప్తంగా ఉన్న దాదాపు 12.40 లక్షలకు పైగా ఫార్మసీలు, మెడికల్ షాపులు తమ వ్యాపారాలను నిలిపివేసి మూతపడనున్నాయి.
Medical Shops Bandh | బంద్కు ప్రధాన కారణాలు:
ఇ-ఫార్మసీల వల్ల సంప్రదాయ కెమిస్టుల జీవనోపాధి దెబ్బతింటోందని, నిబంధనలకు విరుద్ధంగా ఆన్లైన్ విక్రయాలు సాగుతున్నాయని అసోసియేషన్ ఆరోపిస్తోంది.
ఆన్లైన్ ద్వారా ప్రిస్క్రిప్షన్ లేకుండానే మందులు సరఫరా అయ్యే ప్రమాదం ఉందని, ఇది ప్రజల ఆరోగ్యానికి తీవ్ర హానికరమని కెమిస్టులు ఆందోళన వ్యక్తం చేస్తున్నారు.
నిబంధనలు ఉల్లంఘిస్తూ సాగుతున్న ఆన్లైన్ ఔషధ విక్రయాలపై ప్రభుత్వం తక్షణమే కఠిన చర్యలు తీసుకోవాలని వారు డిమాండ్ చేస్తున్నారు.
Medical Shops Bandh | అత్యవసర పరిస్థితుల్లో
కాగా, అత్యవసర పరిస్థితులను దృష్టిలో ఉంచుకుని ఆసుపత్రులకు అనుబంధంగా ఉండే మెడికల్ షాపులు, కొన్ని అత్యవసర సేవల ఫార్మసీలు మాత్రం యథావిధిగా పనిచేసే అవకాశం ఉంది.
అయినప్పటికీ, సాధారణ మెడికల్ షాపులు పెద్ద ఎత్తున మూతపడనుండటంతో సాధారణ ప్రజలకు, రోగులకు మందుల కొరత ఎదురయ్యే సూచనలు కనిపిస్తున్నాయి.
ప్రభుత్వం స్పందించి తమ సమస్యలను పరిష్కరించే వరకు పోరాటం కొనసాగిస్తామని AIOCD ప్రతినిధులు స్పష్టం చేశారు.
Matrimonial fraudster arrested | మెడలో తాళి కడతానని.. అకౌంట్ ఖాళీ…
