అక్షరటుడే, వెబ్డెస్క్: Medical Shops Bandh | దేశవ్యాప్తంగా ఈ నెల 20న మెడికల్ షాపుల బంద్ నిర్వహించనున్నారు. ఆన్లైన్లో మందుల అమ్మకాలను వ్యతిరేకిస్తూ ఆల్ ఇండియా ఆర్గనైజేషన్ కెమిస్ట్ అండ్ డ్రగ్గిస్ట్స్ అసోసియేషన్ బంద్కు పిలుపునిచ్చింది. కోవిడ్ సమయంలో కేంద్రం ఇచ్చిన ఆదేశాలను రద్దు చేయాలని డిమాండ్ చేసింది.
ఆన్లైన్లో నకిలీ, ప్రమాదకర మందులు సరఫరా చేస్తున్నారని అసోసియేషన్ ఆరోపించింది. ప్రజల ఆరోగ్యం దృష్టిలో పెట్టుకుని ఆన్లైన్ సేవలకు ఫుల్స్టాప్ పెట్టాలని డిమాండ్ చేసింది. బంద్ నేపథ్యంలో 12.40 లక్షలకు పైగా మెడికల్ షాపులు (Medical Shops) మూత పడనున్నాయి. AI ద్వారా సృష్టించిన నకిలీ ప్రిస్క్రిప్షన్లు, పెరుగుతున్న ప్రజారోగ్య ప్రమాదాలపై ఈ సంఘం తీవ్ర ఆందోళన వ్యక్తం చేసింది. ఆన్లైన్ మందుల అమ్మకాలు, పెద్ద కార్పొరేట్ ఫార్మసీ ప్లాట్ఫారమ్ల దూకుడు ధరల విధానాలు రోగుల భద్రతకు, చిన్న మెడికల్ షాపుల మనుగడకు ముప్పు కలిగిస్తున్నాయని ఈ సంస్థలు ఆరోపించాయి.
Medical Shops Bandh | ప్రిస్క్రిప్షన్ లేకుండానే..
ఆన్లైన్ ప్లాట్ఫామ్ల్లో ప్రిస్క్రిప్షన్లను సరిగ్గా ధృవీకరించకుండానే మందులను అమ్ముతున్నారు. దీంతో ఒకే ప్రిస్క్రిప్షన్ను పలుమార్లు ఉపయోగించుకోవడానికి వీలవుతోంది. AI- రూపొందించిన నకిలీ ప్రిస్క్రిప్షన్లు (Fake Prescriptions) యాంటీబయాటిక్స్, అలవాటుగా మారే మందులకు అవకాశం కల్పిస్తున్నాయని ఆందోళన వ్యక్తం చేసింది. పెద్ద కార్పొరేట్ ఫార్మసీ సంస్థలు మందులపై భారీ డిస్కౌంట్లు ఇవ్వడం ద్వారా “దోపిడీ ధరల” వ్యూహాలను అవలంబిస్తున్నాయని TTCDA మరియు AIOCD ఆరోపించాయి.
ఇది కూడా చదవండి..: Rupee Value Fall | క్రూడ్ ఆయిల్ కుతకుత.. రూపాయి విలవిల
