అక్షరటుడే, నిజామాబాద్ సిటీ: Midday Meal Menu | నగరంలోని ప్రభుత్వ పాఠశాలల్లో మెనూ ప్రకారం విద్యార్థులకు భోజనం అందించాలని ఎమ్మెల్యే ధన్పాల్ (MLA Dhanpal) పేర్కొన్నారు. నగరంలోని మిర్చికాంపౌండ్లో ప్రభుత్వ ప్రాథమిక ఉన్నత పాఠశాలను ఆయన బుధవారం ఆకస్మికంగా తనిఖీ చేశారు.
Midday Meal Menu | రోడ్డు నిర్మాణ పనులు ప్రారంభం
మిర్చికాంపౌండ్లో రోడ్డు నిర్మాణ పనులను ప్రారంభించిన అనంతరం ఆయన అక్కడే ఉన్నప్రాథమిక ఉన్నత పాఠశాలను తనిఖీ చేశారు. ఈ సందర్భంగా అక్కడ మెనూ ప్రకారం భోజనం వడ్డించట్లేదని గమనించిన ఆయన మిడ్డే మిల్స్ నిర్వాహకురాలిపై అసంతృప్తి వ్యక్తం చేశారు. మెనూకు తగ్గట్లుగా భోజనం ఎందుకు పెట్టట్లేదని ప్రశ్నించారు. ప్రతి విద్యార్థికి పౌష్టికాహారం అందించాల్సిన బాధ్యత మధ్యాహ్న భోజన నిర్వాహకులదేనని స్పష్టం చేశారు. పెండింగ్ బిల్లుల విషయంపై ఎప్పటికప్పుడు ప్రభుత్వాన్ని ప్రశ్నించాలని సూచించారు. కార్యక్రమంలో 34వ డివిజన్ కార్పొరేటర్ బంటు ప్రీతి ప్రవీణ్, మహిళా మోర్చా జిల్లా అధ్యక్షురాలు మారెడ్డి వనిత, బీజేపీ నాయకులు సురేష్ తదితరులు పాల్గొన్నారు.
ఇది కూడా చదవండి..: Property Grabbing | తప్పుడు ఆరోపణలతో ఆస్తిని కాజేసే కుట్ర చేస్తున్నారు..