Ministers Convoy Tour|మంత్రుల భారీ కాన్వాయ్.. ఇంధన ఆదా సూత్రాలు సామాన్యులకేనా అంటూ విమర్శలు

అక్షరటుడే వెబ్‌డెస్క్:Ministers Convoy Tour|తెలంగాణ మంత్రుల పర్యటనలు ఇప్పుడు రాష్ట్రంలో చర్చనీయాంశంగా మారాయి. ధాన్యం కొనుగోలు కేంద్రాల పరిశీలన పేరుతో మంత్రులు చేపట్టిన ఈ పర్యటనల్లో కనిపిస్తున్న ఆడంబరాలు సామాన్యులను విస్మయానికి గురిచేస్తున్నాయి. ఒకవైపు పర్యావరణ పరిరక్షణ, ఇంధన ఆదా అంటూ ప్రభుత్వాలు ప్రచారాలు చేస్తున్నప్పటికీ, ఆచరణలో మాత్రం మంత్రులు అందుకు భిన్నంగా వ్యవహరిస్తున్నారనే విమర్శలు వ్యక్తమవుతున్నాయి.

Ministers Convoy Tour|60 కార్లతో భారీ కాన్వాయ్..

నిన్న ధాన్యం కొనుగోలు కేంద్రాలను సందర్శించిన మంత్రుల వెంట దాదాపు 60 కార్లతో కూడిన భారీ కాన్వాయ్ ఉండటం గమనార్హం. క్షేత్రస్థాయిలో రైతుల సమస్యలను తెలుసుకోవడానికి వెళ్తున్న సమయంలో ఇంత భారీ సంఖ్యలో వాహనాలు అవసరమా అని పౌర సమాజం ప్రశ్నిస్తోంది. దీనివల్ల భారీగా ఇంధనం వృధా అవ్వడమే కాకుండా, ప్రజల సొమ్ము దుర్వినియోగం అవుతోందని విమర్శలు వస్తున్నాయి.

Ministers Convoy Tour|హెలికాప్టర్ పర్యటనలపై దుమారం..

కేంద్ర, రాష్ట్ర ప్రభుత్వాలు ఇంధన పొదుపు చర్యలను ప్రోత్సహించాలని పదేపదే సూచిస్తున్న తరుణంలో.. మంత్రులు మాత్రం హెలికాప్టర్లు, భారీ వాహనాల శ్రేణిని తగ్గించడం లేదు. నేడు కూడా మంత్రులు ఉత్తమ్ కుమార్ రెడ్డి, పొంగులేటి శ్రీనివాస్ రెడ్డి, అడ్లూరి లక్ష్మణ్, కోమటిరెడ్డి వెంకటరెడ్డిలు హెలికాప్టర్ ద్వారా పర్యటించనుండటం చర్చనీయాంశమైంది.

Ministers Convoy Tour|ప్రజల ఆగ్రహం..

సామాన్యులకు నీతులు చెప్పే ప్రభుత్వ పెద్దలు, తమ పర్యటనల విషయంలో మాత్రం ఆడంబరాలకే ప్రాధాన్యత ఇస్తున్నారని సోషల్ మీడియాలో విమర్శలు వెల్లువెత్తుతున్నాయి. “ఇంధన పొదుపు సూత్రాలు కేవలం సామాన్య ప్రజలకేనా? పాలకులకు వర్తించవా?” అంటూ రైతులు, వాహనదారులు నిలదీస్తున్నారు. రైతులు ధాన్యం అమ్ముకోవడానికి ఇబ్బందులు పడుతుంటే, మంత్రులు మాత్రం ఇలా హైటెక్ పర్యటనలు చేయడం ఏంటని పలువురు ఆగ్రహం వ్యక్తం చేస్తున్నారు.

వివాదాస్పదంగా తెలంగాణ మంత్రుల కాన్వాయ్..

దాదాపు 60 కార్లతో నిన్న ధాన్యం కొనుగోలు కేంద్రాల పర్యటన..

ఒకవైపు ఇంధన ఆదా చర్యలను ప్రోత్సహించాలని కేంద్ర, రాష్ట్ర ప్రభుత్వాలు సూచిస్తున్న నేపథ్యంలో తెలంగాణ మంత్రులు మాత్రం హెలికాప్టర్లు, భారీ కార్ల కాన్వాయ్‌లను తగ్గించడం లేదు.

దీంతో… https://t.co/bAAC3Udb7B pic.twitter.com/0DrLcy0fM7

— iNews Telugu (@inewstelugu) May 15, 2026

ఇది కూడా చదవండి: Komatireddy Helped Boy | మంత్రి కోమటిరెడ్డి గొప్ప మనసు.. బాలుడి చికిత్సకు చేయూత