అక్షరటుడే వెబ్డెస్క్: Mivi One 5G | ప్రముఖ భారతీయ ఆడియో పరికరాల బ్రాండ్ ‘మివి’ (Mivi) తాజాగా తన మొదటి స్మార్ట్ఫోన్ ‘మివి వన్ 5G’ (Mivi One 5G) తో మొబైల్ మార్కెట్లోకి అడుగుపెట్టింది. “ప్రెట్టీ పవర్ఫుల్” ట్యాగ్లైన్తో వస్తున్న ఈ ఫోన్.. సామాన్య వినియోగదారులకు తక్కువ ధరలో నమ్మకమైన పనితీరు, ఎక్కువ బ్యాటరీ బ్యాకప్ను అందించేలా రూపుదిద్దుకుంది. దీని మొదటి సేల్ అక్టోబర్ 8, 2026 రాత్రి 12 గంటల నుంచి ఫ్లిప్కార్ట్లో ప్రారంభం కానుంది.
Mivi One 5G | ఫ్లిప్కార్ట్ ఆఫర్లు..
ఈ ఫోన్ మూడు RAM వేరియంట్లలో, అన్నింటికీ 128GB ఇంటర్నల్ స్టోరేజ్తో బ్లూ, పింక్, గ్రీన్, నేవీ బ్లూ అనే ఐదు ఆకర్షణీయమైన రంగుల్లో లభిస్తుంది. ఇందులో 4GB + 128GB వేరియంట్ రూ. 1,000 బ్యాంక్ ఆఫర్తో కలిపి రూ. 11,999కి, 6GB + 128GB వేరియంట్ రూ. 1,500 బ్యాంక్ ఆఫర్తో కలిపి రూ. 13,499కి లభిస్తుంది. అలాగే టాప్-ఎండ్ అయిన 8GB + 128GB వేరియంట్ రూ. 1,500 బ్యాంక్ ఆఫర్తో కలిపి రూ. 14,999కి అందుబాటులో ఉంటుంది.
దీంతో పాటు జియో వినియోగదారులకు రూ. 4,000 విలువైన 12 నెలల ‘కాన్వా ప్రో’ సబ్స్క్రిప్షన్, ఒక నెల ఉచిత ‘హాట్స్టార్ మొబైల్ + హాలీవుడ్’, 5,000GB క్లౌడ్ స్టోరేజ్తో కూడిన 18 నెలల ‘గూగుల్ జెమిని ప్రో ప్లాన్’, , అదనంగా 50GB ‘జియో AI క్లౌడ్ స్టోరేజ్’ వంటి ప్రత్యేక బెనిఫిట్స్ కూడా లభిస్తాయి.
Mivi One 5G | వ్యూహాత్మక స్పందనలు..
ఈ లాంచ్పై మివి సహ-స్థాపకుడు విశ్వనాథ్ కందుల మాట్లాడుతూ.. ఆడియో రంగానికి మించి ఆలోచించి, రోజువారీ జీవితంలో కీలకమయ్యే పరికరాలను అందించే ప్రయాణంలో ఇది మైలురాయి అని తెలిపారు. మివి చీఫ్ బిజినెస్ ఆఫీసర్ హిమాన్షు టాండన్ మాట్లాడుతూ.. పెర్ఫార్మెన్స్, బ్యాటరీ, కెమెరా లేదా సాఫ్ట్వేర్లలో ఎలాంటి రాజీ పడకుండా దీన్ని తీర్చిదిద్దామన్నారు. క్వాల్కామ్ ఇండియా మొబైల్ హెడ్ సౌరభ్ అరోరా మాట్లాడుతూ.. స్నాప్డ్రాగన్ 4 జెన్ 2 ప్లాట్ఫారమ్ ద్వారా వినియోగదారులకు మెరుగైన కనెక్టివిటీ అందుతుందని ప్రశంసించారు.
Mivi One 5G | ప్రాసెసర్ ప్రత్యేకతలు..
ఈ ఫోన్లో 4nm ‘స్నాప్డ్రాగన్ 4 జెన్ 2’ (Snapdragon 4 Gen 2) ప్రాసెసర్ను వాడారు. ఇది శక్తి సామర్థ్యాలను, మల్టీటాస్కింగ్ను అద్భుతంగా బ్యాలెన్స్ చేస్తుంది. దీని AnTuTu స్కోర్ సుమారు 4,90,000గా ఉంది. ఇది మృదువైన ప్రాసెసింగ్ వేగాన్ని, నమ్మకమైన 5G కనెక్టివిటీని అందిస్తుంది. రోజంతా నాన్స్టాప్ యూసేజ్ కోసం ఇందులో భారీ 6000mAh బ్యాటరీ ఇచ్చారు. ఉదయం నోటిఫికేషన్ల నుంచి రాత్రి బ్రౌజింగ్ వరకు ఇది ఎటువంటి ఇబ్బంది లేకుండా వస్తుంది. దీనికి తోడు త్వరగా ఛార్జ్ అయ్యేందుకు 18W PD 2.0 ఫాస్ట్ ఛార్జింగ్ సపోర్ట్ కూడా ఉంది.
Mivi One 5G | డిస్ప్లే , డిజైన్ వివరాలు..
ఈ స్మార్ట్ఫోన్ 6.745-అంగుళాల HD+ ఇన్-సెల్ డిస్ప్లే, 90Hz రిఫ్రెష్ రేట్తో వస్తుంది. వాటర్డ్రాప్ నాచ్, 2.5D గ్లాస్ ప్రొటెక్షన్తో ఉన్న ఈ ఫోన్ కేవలం 9.15 మి.మీ మందం, 210 గ్రాముల బరువు కలిగి ఉంది. అలాగే ఇది IP64 డస్ట్ & వాటర్ రెసిస్టెన్స్ రక్షణతో వస్తుంది. వెనుకవైపు PDAF సపోర్ట్తో కూడిన 50MP ప్రధాన కెమెరా, సెల్ఫీల కోసం ముందువైపు 8MP కెమెరా ఇచ్చారు. అలాగే మివి ‘క్లియర్టాక్’ (Mivi ClearTalk) టెక్నాలజీతో బ్యాక్గ్రౌండ్ నైస్ (ట్రాఫిక్, గాలి, జనాల శబ్దాలు) పూర్తిగా ఫిల్టర్ చేసి, అవతలి వారికి గొంతు స్పష్టంగా వినిపించేలా చేస్తుంది. ఈ ఫోన్ ఎటువంటి అవాంఛిత యాప్స్ (Bloatware) లేని స్వచ్ఛమైన ప్యూర్ ఆండ్రాయిడ్ 16 పై పనిచేస్తుంది. అంతేకాకుండా ఆండ్రాయిడ్ 18 వరకు సాఫ్ట్వేర్ అప్డేట్లు అందిస్తామని కంపెనీ హామీ ఇచ్చింది.
Mivi One 5G |సర్వీస్ సపోర్ట్..
భారతదేశంలోనే ( India )తయారవుతున్న ఈ ఫోన్పై 1 సంవత్సరం స్టాండర్డ్ వారంటీ ఉంది. దేశవ్యాప్తంగా 500+ సర్వీస్ సెంటర్లు ఉండగా.. 19,000 పైచిలుకు పిన్ కోడ్లలో ఉచిత పిక్-అప్ & డ్రాప్ (7-10 రోజుల టర్న్అరౌండ్ టైమ్) సేవ లభిస్తుంది. అలాగే “రిపేర్ చేయడం కాదు.. రీప్లేస్ చేస్తాం” అనే నిబంధనతో 7 రోజుల రీప్లేస్మెంట్ గ్యారెంటీ, Mivi Care+ యాప్ ద్వారా ప్రత్యక్ష సహాయం అందిస్తున్నారు. రాబోయే 12 నెలల్లో భారతదేశపు మొట్టమొదటి స్వదేశీ స్మార్ట్ఫోన్ను డిజైన్ చేసే ప్రణాళికలతో మివి ముందుకువెళ్తోంది.
ఇది కూడా చదవండి: DSP Bheem Reddy | డీఎస్పీ భీమ్రెడ్డి బినామీ ఇంట్లో నోట్ల కట్టలు
