అక్షరటుడే, వెబ్డెస్క్: Nellore Hari Death | తెలుగు సినిమా ఇండస్ట్రీలో (Telugu film industry) ఆదివారం ఉదయం తీవ్ర విషాదం చోటుచేసుకుంది. యువ నిర్మాత, ప్రముఖ డిస్ట్రిబ్యూటర్గా సినీ పరిశ్రమలో ప్రత్యేక గుర్తింపు పొందిన ‘నెల్లూరు’ హరి (Nellore Hari) ఇక లేరు. ఆయన ఆకస్మిక మరణ వార్త తెలిసిన వెంటనే సినీ పరిశ్రమలో విషాద ఛాయలు అలుముకున్నాయి.
Nellore Hari Death | ‘నెల్లూరు హరి’గా సుపరిచితుడు..
నిర్మాతలు, డిస్ట్రిబ్యూటర్లు(Distributors), సినీ ప్రముఖులు, అభిమానులు ఆయన మృతికి సంతాపం వ్యక్తం చేస్తున్నారు. ‘నెల్లూరు’ హరిగా అందరికీ సుపరిచితమైన ఆయన అసలు పేరు గుజ్జలపూడి హరికుమార్. ఆయన వయసు 43 సంవత్సరాలు. ఆదివారం ఉదయం గుండెపోటుకు గురై తుది శ్వాస విడిచినట్లు కుటుంబ సభ్యులు, సన్నిహిత వర్గాలు వెల్లడించాయి. ఆయన ఆకస్మిక మరణం పరిశ్రమలో అందరినీ షాక్కు గురి చేసింది.
Nellore Hari Death | తెలుగు చిత్ర పరిశ్రమలో..
తెలుగు చిత్ర పరిశ్రమలో హరి పంపిణీదారుడిగా (Distributor) తనకంటూ ప్రత్యేక గుర్తింపును సంపాదించుకున్నారు. హరి పిక్చర్స్ బ్యానర్ ద్వారా అనేక విజయవంతమైన చిత్రాలను ప్రేక్షకుల ముందుకు తీసుకొచ్చారు. ముఖ్యంగా నెల్లూరు ప్రాంతంలో ప్రముఖ డిస్ట్రిబ్యూటర్గా ఆయనకు మంచి పేరు ఉంది. పెద్ద హీరోల సినిమాల నుంచి చిన్న సినిమాల వరకు అనేక చిత్రాల పంపిణీలో ఆయన కీలక పాత్ర పోషించారు. ఇటీవల విడుదలై భారీ విజయాన్ని సాధించిన ‘సంక్రాంతికి వస్తున్నాం’ (Sankranti ki vastunnam) వంటి సినిమాల పంపిణీలో కూడా ఆయన భాగమయ్యారు. ఎన్నో విజయవంతమైన చిత్రాల వెనుక హరి కృషి ఉందని సినీ వర్గాలు గుర్తు చేసుకుంటున్నాయి. వ్యాపార పరంగా మాత్రమే కాకుండా, సినిమా రంగంతో మంచి అనుబంధం కలిగి ఉండటంతో ఆయనకు పరిశ్రమలో ప్రత్యేక స్థానం ఏర్పడింది.
పంపిణీ రంగంతో తన ప్రయాణాన్ని ప్రారంభించిన హరి, ఆ తర్వాత నిర్మాణ రంగంలో కూడా అడుగుపెట్టారు. తమిళ హీరో విశాల్ నటించిన పలు చిత్రాలను తెలుగులో విడుదల చేయడంతో పాటు డబ్బింగ్ సినిమాలను కూడా ప్రేక్షకుల ముందుకు తీసుకొచ్చారు. ముఖ్యంగా విశాల్, తమన్నా(Tamanna) జంటగా నటించిన ‘ఒక్కడొచ్చాడు’ చిత్రాన్ని తెలుగులో విడుదల చేసి నిర్మాతగా కూడా తన గుర్తింపును పెంచుకున్నారు. కొత్త సినిమాలు, కొత్త అవకాశాలను ప్రోత్సహించే వ్యక్తిగా హరికి మంచి పేరు ఉందని సినీ వర్గాలు చెబుతున్నాయి. సినిమా Cinema వ్యాపారంలో తన అనుభవంతో పాటు, అందరితో స్నేహపూర్వకంగా మెలగడం ఆయన ప్రత్యేకతగా చెప్పుకుంటారు.హరి మరణంతో తెలుగు సినిమా పంపిణీ రంగం ఒక కీలక వ్యక్తిని కోల్పోయిందనే అభిప్రాయాలు వ్యక్తమవుతున్నాయి.
ఇది కూడా చదవండి: Travel Bus Accident | లారీని ఢీకొన్న ట్రావెల్స్ బస్సు.. తప్పిన ప్రమాదం
