అక్షరటుడే, భీమ్గల్: Rashmi Gautham Temple Visit | ప్రముఖ యాంకర్, సినీ నటి రష్మీ గౌతమ్(Rashmi Gautham) సోమవారం భీమ్గల్లోని (Bheemgal) ప్రముఖ పుణ్యక్షేత్రం శ్రీ లింబాద్రి లక్ష్మీనరసింహస్వామి వారిని దర్శించుకున్నారు. సోమవారం ఉదయం ఆమె ఆలయానికి వచ్చారు.
Rashmi Gautham Temple Visit | ఘనస్వాగతం..
ఆలయానికి విచ్చేసిన ఆమెకు ఆలయ అర్చక బృందం ప్రణీత్ , విష్ణు, నర్సయ్య, నారాయణ సాదర స్వాగతం పలికారు. అనంతరం స్వామివారికి ప్రత్యేక పూజలు నిర్వహించి, తీర్థప్రసాదాలు అందజేశారు. ఈ సందర్భంగా ఆలయ విశిష్టతను ఆమెకు వివరించారు. సినీ నటి రాకతో ఆలయానికి వచ్చిన భక్తులు ఆమెను కలుసుకునేందుకు ఉత్సాహం చూపగా, రష్మీ వారిని ఆప్యాయంగా పలకరించారు. ఈ దర్శన కార్యక్రమంలో ఆమె వెంట యోగేశ్వర, నర్సయ్య, చింటూ, చందు, సురేష్ తదితరులు పాల్గొన్నారు. లక్ష్మీనరసింహస్వామి వారి దివ్య కృపాకటాక్షాలు అందరిపై ఉండాలని ఈ సందర్భంగా ఆకాంక్షించారు.
ఇది కూడా చదవండి: రైతులు నీళ్లు అడిగితే… అరెస్టులా?: రేవంత్ పై కేటీఆర్ ఫైర్
