అక్షరటుడే, ఎల్లారెడ్డి: Rural Health Development | గ్రామీణ ప్రాంతాల్లో ఆరోగ్య సదుపాయాల అభివృద్ధికి కృషి చేస్తున్నామని ఎమ్మెల్యే మదన్ మోహన్(MLA Madan Mohan ) పేర్కొన్నారు. అడ్లూర్ ఎల్లారెడ్డిలో(Yellareddy) రూ.25లక్షలతో నిర్మించిన హెల్త్ సబ్ సెంటర్ను(Health Sub-centre) గురువారం ఆయన ప్రారంభించారు.
Rural Health Development | ప్రజల ఆరోగ్యానికి ప్రాధాన్యత..
ఎమ్మెల్యే మాట్లాడుతూ గ్రామీణ ప్రాంతాల్లో ఆరోగ్య సదుపాయాల అభివృద్ధికి ప్రభుత్వం కట్టుబడి ఉందన్నారు. ప్రజల ఆరోగ్యానికే ప్రాధాన్యత ఇస్తున్నట్లు పేర్కొన్నారు. హెల్త్ సెంటర్ మరింత అభివృద్ధికి చేసేందుకు ఎమ్మెల్యే నిధుల నుంచి అదనంగా రూ.5 లక్షలు మంజూరు చేస్తున్నట్లు ప్రకటించారు. ఈ హెల్త్ సెంటర్ ప్రారంభంతో గ్రామంలోనే ప్రాథమిక వైద్యసేవలు అందుబాటులోకి వచ్చాయని ఆయన తెలిపారు. గర్భిణులు, వృద్ధులు, పిల్లలకు సబ్సెంటర్ ఎంతో ఉపయుక్తంగా మారనుందన్నారు.
Rural Health Development | తాగునీటి సమస్యలకు పరిష్కారం..
అడ్లూర్ ఎల్లారెడ్డి(Adlur Yellareddy) గ్రామంలోని బీసీ కాలనీలో తాగునీటి సమస్య పరిష్కారం కోసం రెండు బోర్లు తవ్వించేందుకు చర్యలు తీసుకున్నట్లు ఎమ్మెల్యే తెలిపారు. గ్రామంలో ఉన్న పాత ఐరన్ విద్యుత్ స్తంభాల స్థానంలో సిమెంట్ స్తంభాలు ఏర్పాటు చేయాలని గ్రామస్థులు విజ్ఞప్తి చేయగా, సానుకూలంగా స్పందిస్తూ త్వరలోనే ఏర్పాటు చేస్తామని హామీ ఇచ్చారు.
ఇది కూడా చదవండి: Telangana Advisors | ‘సలహాదారుల’తో ఖజానాకు భారం.. అప్పుల రాష్ట్రంలో అదనపు ఖర్చు
