అక్షరటుడే, వెబ్డెస్క్ : Nepal Workers Caution | నేపాల్ పని మనుషులతో జాగ్రత్తగా ఉండాలని హైదరాబాద్ సీపీ సజ్జనార్ (CP Sajjanar) సూచించారు. వారిని పనిలో పెట్టుకోవద్దన్నారు.
నగరంలోని జూబ్లీహిల్స్లో రిటైర్డ్ ఐపీఎస్ అధికారి వినయ్ రంజన్ రే భార్య తనూజ రే హత్యకు గురైన విషయం తెలిసిందే. వారింట్లో పని చేసే నేపాల్కు చెందిన మహిళ మరో ముగ్గురితో కలిసి ఆమెను హత్య చేసింది. అనంతరం నగదు, నగలతో పరారు అయ్యారు. ఈ ఘటనపై సజ్జనార్ మాట్లాడుతూ.. తాము వద్దని చెబుతున్నా ఇంకా వాళ్ళనే పనిలో కొనసాగిస్తున్నారని పేర్కొన్నారు.
Nepal Workers Caution | ఏడాది క్రితం పనిలో..
నేపాల్ (Nepal)కు చెందిన సదరు మహిళ ఏడాది క్రితం రిటైర్డ్ ఐపీఎస్ అధికారి ఇంట్లో పనికి కుదిరినట్లు సీపీ తెలిపారు. ఇటీవల నేపాల్ గ్యాంగ్లు దోపిడీలకు పాల్పడుతున్నాయని ఆయన చెప్పారు. వారిని పనిలో పెట్టుకోవద్దని సూచించారు. చేతులు కట్టేసి, నోట్లో గుడ్డలు కుక్కి వారు చోరీ చేస్తారన్నారు. గతంలో నగరంలో ఇలాంటి ఘటనలు రెండు జరిగాయన్నారు. అయితే తాజా ఘటనలో నోట్లో గుడ్డలు కుక్కడంతో ఊపిరాడక తనూజ మృతి చెందినట్లు తెలిపారు. బయట నుంచి వచ్చిన వారు ఇక్కడ పనిచేస్తున్న మహిళ సహకారంతో హత్యకు పాల్పడ్డారని పేర్కొన్నారు.
Nepal Workers Caution | అవకాశం కోసం చూస్తారు
ప్రజలు అప్రమత్తం కావాలి అని రెండు నెలల నుంచి చెబుతున్నామని సీపీ సజ్జనార్ పేర్కొన్నారు. నేపాలీలను పనిలో పెట్టుకునే విషయంలో జాగ్రత్తగా ఉండాలన్నారు. వారు ఎవరు ఎమిటని చూడరన్నారు. అవకాశం రాగానే ఇళ్లు దోచేస్తారని చెప్పారు. దేశంలోని అనేక నగరాల్లో నేపాలీ గ్యాంగ్లు దోపిడీలకు పాల్పడినట్లు వెల్లడించారు.
Nepal Workers Caution | కొన్ని దేశాల్లో బ్యాన్
నేపాలీలపై గల్ఫ్లోని కొన్ని దేశాల్లో బ్యాన్ ఉంది. ఆ తర్వాత వారు ఇండియాలో ఉద్యోగాల కోసం వచ్చి స్థిర పడుతున్నారు. ఈ క్రమంలో హైదరాబాద్ (Hyderabad)లో ఇటీవల నేపాలీలు ఎక్కువయ్యారు. ఒకప్పుడు గుర్కాలుగా మాత్రమే చేసే వీరు ఇప్పుడు అంతటా విస్తరించారు. ఫాస్ట్ఫుడ్ సెంటర్లలో, ఇళ్లలోపని వారిగా చేరుతున్నారు. ఇటీవల వీరు చేసే నేరాలు సైతం పెరిగాయి.
ఇది కూడా చదవండి..: Retired IPS Wife Murder | రిటైర్డ్ ఐపీఎస్ భార్య హత్య
