అక్షరటుడే, వెబ్డెస్క్ : NIMS Doctor Assets | హైదరాబాద్ (Hyderabad) నగరంలోని నిమ్స్ అడిషనల్ మెడికల్ సూపరింటెండెంట్ నోరి లక్ష్మీ భాస్కర్ నివాసాల్లో ఇటీవల ఏసీబీ (ACB) అధికారులు సోదాలు చేసిన విషయం తెలిసిందే. భారీగా అక్రమాస్తులు గుర్తించి, ఆయనపై కేసు నమోదు చేశారు. అంతేగాకుండా రిమాండ్కు కూడా తరలించారు.
లక్ష్మీ భాస్కర్ బినామీల పేరిట భారీగా అక్రమాస్తులు కూడబెట్టినట్లు ఏసీబీ అధికారులు గుర్తించారు. నిమ్స్లో పని చేసే ఉద్యోగులను తన బినామీలుగా మార్చుకొని వారి పేరిట ఆస్తులు కొనుగోలు చేశాడు. ఈ మేరకు ఏసీబీ అధికారులు మంగళవారం ఆయన బినామీల ఇళ్లలో సోదాలు చేపట్టారు. ఏకకాలంలో 5 చోట్ల తనిఖీలు చేసి, భారీగా అక్రమాస్తులు గుర్తించారు.
NIMS Doctor Assets | రూ.2.70 కోట్ల ప్లాటు
నిమ్స్ ఉద్యోగి ధనరాజ్ ఇంట్లో ఏసీబీ అధికారులు రూ.4.94 లక్షల నగదు స్వాధీనం చేసుకున్నారు. ఔట్సోర్సింగ్ ఉద్యోగి డి. గణేష్, ఇతరుల పేర్ల మీద మహేశ్వరంలోని సుమారు 57 లక్షల విలువైన 3 వ్యవసాయ భూములు ఉన్నట్లు గుర్తించారు. అంతేగాకుండా బంజారాహిల్స్లోని ఎమ్మెల్యే కాలనీలో గల వెంకటేశ్వర కో-ఆపరేటివ్ హౌసింగ్ సొసైటీలో ఏకంగా రూ.2.70 కోట్ల విలువైన ఓపెన్ ప్లాట్ ఉంది. రూ. 20 లక్షల విలువైన రెండు పెట్టుబడులకు సంబంధించిన పత్రాలు, రూ. 3 లక్షల అప్పు రసీదులను అధికారులు స్వాధీనం చేసుకున్నారు.
దీనిని కూడా చదవండి : India Gold Medal | భారత్ ఖాతాలో మరో గోల్డ్ మెడల్
