అక్షరటుడే, వెబ్డెస్క్ : FRO Caught by ACB | మరో అవినీతి తిమింగలం ఏసీబీకి చిక్కింది. టేకు చెట్లు నరకడంతో పాటు రవాణా కోసం అనుమతి ఇవ్వడానికి ఫారెస్ట్ రేంజ్ అధికారి ఏకంగా రూ.రెండు లక్షల లంచం డిమాండ్ చేశాడు. అతడిని ఏసీబీ అధికారులు రెడ్ హ్యాండెడ్గా పట్టుకున్నారు.
FRO Caught by ACB | టేకు చెట్లు నరకడానికి..
జగిత్యాల (Jagtial) జిల్లా కొడిమ్యాల ఫారెస్ట్ రేంజ్ ఆఫీసర్ గులాం మొయినుద్దీన్ను ఏసీబీ అధికారులు గురువారం రెడ్ హ్యాండెడ్గా పట్టుకున్నారు. 120 టేకు చెట్లను నరికివేయడానికి, రవాణా అనుమతి జారీ చేయడం కోసం ఆయన రూ.2 లక్షల లంచం డిమాండ్ చేశాడు. అందులో రూ.లక్ష నగదును మే 13న స్వీకరించాడు. అనుమతి ఇచ్చిన తర్వాత తర్వాత మరో రూ.లక్ష ఇవ్వాలని అడిగాడు. ఫిర్యాదుదారుడు బతిమిలాడటంతో ఆ మొత్తాన్ని రూ.80 వేలకు తగ్గించాడు. ఈ విషయాన్ని బాధితుడు ఏసీబీ అధికారులకు ఫిర్యాదు చేశాడు. దీంతో ఫిర్యాదుదారుడి నుంచి గురువారం రూ.80 వేల లంచం తీసుకుంటుండగా కరీంనగర్ (Karimnagar) యూనిట్ ఏసీబీ అధికారులు ఎఫ్ఆర్వో గులాం మొయనుద్దీన్ను పట్టుకున్నారు. అతడిపై కేసు నమోదు చేశారు.
FRO Caught by ACB | లంచం అడిగితే ఫోన్ చేయండి
ప్రభుత్వ అధికారులకు లంచం ఇవ్వొద్దని ఏసీబీ అధికారులు సూచిస్తున్నారు. ఎవరైనా లంచం అడిగితే తమకు ఫిర్యాదు చేయాలని కోరారు. ఏసీబీ టోల్ ఫ్రీ నంబర్ 1064, వాట్సాప్ నంబర్ 9440446106 లో ఫిర్యాదు చేయవచ్చని వివరించారు. వెబ్సైట్ (ACB Website) ద్వారా కంప్లైట్ చేయొచ్చని పేర్కొన్నారు. ఫిర్యాదుదారుల వివరాలను గోప్యంగా ఉంచుతామన్నారు.
దీనిని కూడా చదవండి : Southwest Monsoon | కేరళంను తాకిన రుతుపవనాలు.. జూన్ రెండో వారంలో రాష్ట్రంలోకి..
