అక్షరటుడే, వెబ్డెస్క్ : PCC Chief | కేసీఆర్కు చిత్తశుద్ధి ఉంటే సనత్నగర్ ఎమ్మెల్యే తలసాని శ్రీనివాస్ యాదవ్ను ప్రతిపక్ష నేత చేయాలని పీసీసీ అధ్యక్షుడు మహేశ్ గౌడ్ అన్నారు. సోమవారం ఆయన మీడియాతో మాట్లాడారు. ప్రజలకు వినాయక చవితి శుభాకాంక్షలు తెలిపారు.
ఇటీవల బీఆర్ఎస్ (BRS) నిర్వహించిన మాక్ అసెంబ్లీలో తలసాని సీఎంగా వ్యవహరించిన విషయం తెలిసిందే. దీనిపై మహేశ్గౌడ్ స్పందించారు. కేసీఆర్ ఎలాగు అసెంబ్లీకి రావట్లేదని, తలసానిని ప్రతిపక్ష నేత చేయాలన్నారు. బీఆర్ఎస్ సభ్యులపై సస్పెన్షన్ ఎత్తేయాలని స్పీకర్ను అడుగుతామని తెలిపారు. దళిత స్పీకర్ను అధ్యక్ష అని పిలవాల్సి వస్తుందని కేసీఆర్ అసెంబ్లీకి రావడం లేదని ఆరోపించారు.
PCC Chief | దళితులను అవమానించారు
ఉద్దేశపూర్వకంగానే స్పీకర్పై వ్యాఖ్యలు చేశారని పీసీసీ చీఫ్ అన్నారు. ఉద్యమంలో దళిత కార్డును కేసీఆర్ ఎలా వాడారో చూశామన్నారు. కేసీఆర్ పదేళ్ల పాలనలో దళితులపై అత్యాచారాలు, దాడుల వివరాలు బయటపెట్టాల్సిన అవసరం ఉందని పేర్కొన్నారు. హుజూరాబాద్ ఉపఎన్నిక కోసమే దళిత బంధు తీసుకు వచ్చారని ఆరోపించారు. దళితులు నడిచిన నేలను శుద్ధి చేయడం దారుణం అన్నారు. దళిత జాతిని కేసిఆర్ అవమానించారని ఆగ్రహం వ్యక్తం చేశారు. కొండా సురేఖను హైకమాండ్ పిలిచినట్టు తనకు సమాచారం లేదన్నారు. 22A విషయంలో సామాన్యుడికి నష్టం జరగొద్దని, అవసరం అనుకుంటే చట్టంలో మార్పు చేయాలని సీఎం రేవంత్రెడ్డికి ఆయన విజ్ఞప్తి చేశారు.
దీనిని కూడా చదవండి : Building Construction Excavation | నగరంలో భవన నిర్మాణం కోసం తవ్వకాలు.. కూలిన ప్రహరీ.. భయాందోళనలో ప్రజలు
