అక్షరటుడే, వెబ్డెస్క్: Pune sex racket | సోషల్ మీడియా వేదికగా ఏర్పడే పరిచయాలను, నెట్వర్క్ను దుర్వినియోగం చేసి వందల మంది అమ్మాయిల జీవితాలను నాశనం చేసి ఒక కిరాతక ఘటన మహారాష్ట్రలో వెలుగు చూసింది. పుణే సెక్స్ రాకెట్ కేసులో ప్రధాన నిందితుడిగా గుర్తించిన అయాన్ అహ్మద్ తన్వీర్ (19) అనే యువకుడు చేసిన దారుణాలు సభ్య సమాజాన్ని తల దించుకునేలా చేస్తున్నాయి.
Pune sex racket | స్నేహం పేరుతో….
తన్వీర్ సోషల్ మీడియాను వేదికగా చేసుకుని దాదాపు 180 మంది యువతులను ట్రాప్ చేసినట్లు తీవ్ర ఆరోపణలు ఉన్నాయి. మొదట స్నేహం పేరుతో దగ్గరయ్యేవాడు. తర్వాత మాయమాటలతో మోసం చేసి వారిని తన మాయలోకి లాగేవాడని విచారణలో తేలింది. అనంతరం బాధిత యువతులను లోబరుచుకునేవాడు. ఇలా బాధితులపై 350కి పైగా అశ్లీల వీడియోలు చిత్రీకరించినట్లు పోలీసులు వెల్లడించారు.
ఈ ఘటనలో బలైన యువతుల పరిస్థితి అత్యంత దయనీయంగా మారింది. నమ్మకం పెట్టుకున్న వ్యక్తే వారి జీవితాలను చీకటిలోకి నెట్టేశాడని బాధిత కుటుంబాలు కన్నీటి పర్యంతమవుతున్నాయి. అనేక మంది యువతులు మానసికంగా తీవ్రంగా కుంగిపోయినట్లు సమాచారం.
Pune sex racket | వీధుల్లో ఊరేగింపు..
నిందితుడి కిరాతక చర్యలపై తీవ్ర ఆగ్రహం వ్యక్తమవడంతో మహారాష్ట్ర పోలీసులు అతడిని పరాట్వాడ నగర వీధుల్లో చేతులకు సంకెళ్లు వేసి ఊరేగించారు. ఇలాంటి దారుణాలకు పాల్పడే వారికి ఇది గట్టి హెచ్చరికగా ఉండాలని పోలీసులు ఈ చర్య చేపట్టినట్లు పేర్కొన్నారు.
ప్రస్తుతం ఈ ఘటనకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి. నిందితుడిపై మరింత లోతైన విచారణ కొనసాగుతోంది. కాగా, ఈ కేసు దేశవ్యాప్తంగా చర్చనీయాంశంగా మారింది. ఇలాంటి ఘటనలు మరోసారి పునరావృతం కాకుండా కఠిన చట్టాలు, కఠిన శిక్షలు అమలు చేయాలని సామాజిక వర్గాలు డిమాండ్ చేస్తున్నాయి.
ఇది కూడా చదవండి: Vijayawada college harassment | ఆయుర్వేద కళాశాలలో లైంగిక వేధింపుల కలకలం
ఇది కూడా చదవండి: Indian Woman Speech | ‘మతాన్ని మార్చం.. మనసులను గెలుస్తాం!’ టెక్సాస్ కౌన్సిల్ హాల్లో ప్రతిధ్వనించిన భారతీయ గళం
