అక్షరటుడే, వెబ్డెస్క్ : PVNR Expressway | హైదరాబాద్ (Hyderabad)లోని పీవీఎన్ఆర్ ఎక్స్‌ప్రెస్‌వేపై భారీ రోడ్డు ప్రమాదం జరిగింది. ఆరు కార్లు ఒకదానిని ఒకటి ఢీకొన్నాయి.
మెహదీపట్నం వైపు నుంచి ఆరాంఘర్ వైపు వెళ్తున్న ఓ కారు అదుపు తప్పి పిల్లర్ నంబర్ 131 వద్ద డివైడర్‌పైకి దూసుకెళ్లి స్తంభాన్ని ఢీకొట్టి ఆగిపోయింది. దాని వెనుక వస్తున్న ఐదు కార్లు ఒకదానికొకటి ఢీకొట్టుకుని ప్రమాదానికి గురయ్యాయి. ప్రమాదాన్ని చూసి ఓ కారు డ్రైవర్ సడన్ బ్రేక్ వేయడంతో మిగతా కార్లు దానిని ఢీకొన్నాయి. ఈ ప్రమాదంలో ఆరు కార్లు తీవ్రంగా ధ్వంసం అయ్యాయి. అయితే ఎలాంటి ప్రాణనష్టం జరగలేదు. గురువారం రాత్రి ఈ ఘటన చోటు చేసుకుంది.
PVNR Expressway | భారీగా ట్రాఫిక్ జామ్
నిత్యం రద్దీగా ఉండే పీవీఎన్ఎర్ ఎక్స్ప్రెస్ వేపై ప్రమాదం జరగడంతో భారీగా ట్రాఫిక్ జామ్ అయింది. సమాచారం అందుకున్న పోలీసులు ఘటనా స్థలానికి చేరుకుని, దెబ్బతిన్న వాహనాలను తొలగించి, ట్రాఫిక్‌ను పునరుద్ధరించారు. కాగా ఎక్స్ప్రెస్ వేపై కొందరు అతివేగంగా దూసుకు వెళ్తారు. ఈ క్రమంలోనే తరచూ ప్రమాదాలు చోటు చేసుకుంటున్నాయి.
ఇది కూడా చదవండి..: HYDRAA Land Protection | రూ.400 కోట్ల భూమిని కాపాడిన హైడ్రా
