అక్షరటుడే వెబ్‌డెస్క్: Raptadu School Attack | అనంతపురం జిల్లా ( Anantapur )రాప్తాడు (Raptadu) మండల కేంద్రంలోని ప్రభుత్వ ఉన్నత పాఠశాలలో ఘోర సంఘటన చోటుచేసుకుంది. పాఠశాల ప్రాంగణంలోకి అక్రమంగా చొరబడిన ఓ గుర్తుతెలియని వ్యక్తి, పదో తరగతి చదువుతున్న విద్యార్థినిపై విచక్షణారహితంగా దాడికి తెగబడ్డాడు.
Raptadu School Attack | ట్రీ కట్టర్ యంత్రంతో..
రాప్తాడు ప్రభుత్వ ఉన్నత పాఠశాలలో గోపిక లక్ష్మి (Gopika Lakshmi) అనే విద్యార్థిని పదో తరగతి చదువుతోంది. కాగా, పాఠశాల ప్రాంగణంలో ఉన్న సదరు విద్యార్థినిపై ఓ వ్యక్తి చెట్లు నరికే విద్యుత్ యంత్రంతో (Tree Cutter Machine) ఒక్కసారిగా దాడి చేశాడు. పాఠశాల వాతావరణంలో అందరూ చూస్తుండగానే జరిగిన ఈ ఊహించని దారుణంతో ఉపాధ్యాయులు, తోటి విద్యార్థులు భయాందోళనతో కేకలు వేశారు.
Raptadu School Attack | ఐసీయూలో విద్యార్థిని..
ఈ దాడిలో గోపిక లక్ష్మి తీవ్రంగా గాయపడి రక్తం మడుగులో పడిపోయింది. ప్రమాదాన్ని గుర్తించిన పాఠశాల ఉపాధ్యాయులు, స్థానికులు వెంటనే స్పందించి ఆమెను హుటాహుటిన అనంతపురం ప్రభుత్వాసుపత్రికి తరలించారు. ప్రస్తుతం ఆమె పరిస్థితి విషమంగా ఉండటంతో తీవ్ర నిఘా విభాగాన (ICU) వైద్యులు చికిత్స అందిస్తున్నారు.
Raptadu School Attack | నిందితుడి కోసం గాలింపు..
సమాచారం అందుకున్న పోలీసులు వెంటనే పాఠశాలకు చేరుకుని ఘటనా స్థలాన్ని పరిశీలించారు. దాడి చేసిన అనంతరం పరారైన నిందితుడిని పట్టుకునేందుకు ప్రత్యేక పోలీసు బృందాలను రంగంలోకి దించారు. పాత కక్షల కారణంగానే ఈ దాడికి పాల్పడ్డాడా లేదా సదరు వ్యక్తి మానసిక స్థితి సరిగ్గా లేక ఈ వీరంగం సృష్టించాడా అనే పలు కోణాల్లో పోలీసులు కేసు నమోదు చేసుకుని వేగంగా దర్యాప్తు చేస్తున్నారు.
ఇది కూడా చదవండి: Narsingi Road Alignment | రియల్ ఎస్టేట్ సంస్థ కోసం 2 వేల ఇళ్లు కూల్చే కుట్ర : హరీశ్రావు
