అక్షరటుడే వెబ్డెస్క్: Seva Sankalp Yatra | రాజకీయాలు , ఎన్నికల ప్రక్రియలు వాటి దారిన అవి సాగుతుంటాయని, కానీ దేశాభివృద్ధే తమకు అత్యున్నత ప్రాధాన్యమని ప్రధానమంత్రి నరేంద్ర మోదీ స్పష్టం చేశారు. ‘సేవా యాత్ర’లో పాల్గొంటున్న ప్రతినిధులతో ఆయన వీడియో కాన్ఫరెన్సింగ్ ద్వారా ముచ్చటించారు. సమాజంలో సేవా గుణం పరిమళించినప్పుడే దేశంలోని కోట్లాది మంది పేదలకు ఉచితంగా ఆహార ధాన్యాలు అందడమే కాకుండా, పేదల ఆరోగ్య పరిరక్షణ కోసం ‘ఆయుష్మాన్ భారత్’ వంటి విప్లవాత్మక పథకాలు రూపుదిద్దుకుంటాయని ప్రధాని పేర్కొన్నారు. ఈ సేవా సంకల్పంతో చేపట్టిన కార్యక్రమాలు క్షేత్రస్థాయిలో సామాన్యుల జీవితాలను ఏ విధంగా మారుస్తున్నాయో ఈ యాత్రలో పాలుపంచుకుంటున్న యువత స్వయంగా పరిశీలించవచ్చని ఆయన తెలిపారు.
Seva Sankalp Yatra | యువశక్తిదే కీలక పాత్ర..
భవిష్యత్ భారత నిర్మాణంలో యువత పాత్ర అత్యంత కీలకమని ప్రధాని మోదీ ప్రత్యేకంగా నొక్కిచెప్పారు. 2047 నాటికి ‘వికసిత్ భారత్’ (అభివృద్ధి చెందిన భారత్) లక్ష్యాన్ని సాకారం చేయడంలో నేటి యువతరమే అసలైన సృష్టికర్తలని కొనియాడారు. అంతేకాదు, ఆ అభివృద్ధి ఫలాలను పూర్తిగా అందుకోబోయే అతిపెద్ద లబ్ధిదారులు కూడా వారేనని గుర్తుచేశారు.
Seva Sankalp Yatra | క్షేత్రస్థాయి అవగాహనే ముఖ్యం..
ఈ మహత్తర బాధ్యతను యువత సమర్థవంతంగా నిర్వర్తించాలంటే దేశాన్ని క్షేత్రస్థాయి నుంచి లోతుగా అర్థం చేసుకోవడం ఎంతో అవసరమని ప్రధాని సూచించారు. వివిధ ప్రాంతాలు తిరిగి, భిన్న వర్గాల ప్రజలను కలిసి వారి కలలు, ఆకాంక్షలు ఏమిటో తెలుసుకోవాలని పిలుపునిచ్చారు. దేశం యొక్క వాస్తవ పరిస్థితులను ప్రతి కోణంలోనూ అధ్యయనం చేయడానికి ఈ ‘సేవా సంకల్ప యాత్ర’ యువతకు ఓ చక్కటి మార్గదర్శకంగా నిలుస్తుందని ప్రధాని మోదీ దిశానిర్దేశం చేశారు.
Prime Minister Narendra Modi says elections and governance have their own place, while the larger mission is nation-building and building a Viksit Bharat by 2047.
He emphasises the role of youth in this journey and highlights the importance of understanding India on the ground,… pic.twitter.com/1NHp11CQwq
— New India Junction (@nijunction) September 24, 2026
ఇది కూడా చదవండి: Noida Bus Fire | బస్సు ప్రమాదం.. 9 మంది సజీవ దహనం
