అక్షరటుడే, వెబ్డెస్క్ : Srisailam Power Generation | శ్రీశైలం ప్రాజెక్ట్కు వరద కొనసాగుతోంది. అయితే నిన్నటితో పోలిస్తే ఇన్ఫ్లో స్వల్పంగా తగ్గింది.
ఎగువన కురుస్తున్న వర్షాలతో కృష్ణానది ఉధృతంగా పారుతోంది. జూరాల, శ్రీశైలం జలాశయాలకు ఇన్ఫ్లో కొనసాగుతోంది. జూరాల ప్రాజెక్టు (Jurala Project)కు 2.20 లక్షల క్యూసెక్కుల వరద వస్తుండగా.. విద్యుత్ ఉత్పత్తి, గేట్ల ద్వారా 2,11,615 క్యూసెక్కులు దిగువకు విడుదల చేస్తున్నారు. జలాశయం పూర్తిస్థాయి సామర్థ్యం 9.657 టీఎంసీలు కాగా ప్రస్తుతం 8.22 టీఎంసీల నీరు నిల్వ ఉంది. ఈ నీరు శ్రీశైలంకు వస్తోంది.
Srisailam Power Generation | 155 టీఎంసీలకు చేరిన శ్రీశైలం
శ్రీశైలం ప్రాజెక్ట్లోకి 2,07,821 క్యూసెక్కుల వరద వస్తోంది. డ్యామ్ పూర్తిస్థాయి నీటిమట్టం 215.8 టీఎంసీలు కాగా.. ప్రస్తుతం 155.3 టీఎంసీలకు చేరింది. ఎగువ నుంచి వరద కొనసాగుతుండటంతో.. అధికారులు జల విద్యుత్ ఉత్పత్తి ప్రారంభించారు. ఎడమ గట్టు విద్యుత్ కేంద్రం నుంచి 25,779 క్యూసెక్కులు, కుడి గట్టు విద్యుత్ కేంద్రం నుండి నీటి విడుదల – 4,739 క్యూసెక్కులు విడుదల చేస్తున్నారు. విద్యుత్ ఉత్పత్తి ద్వారా విడుదల చేసిన నీరు నాగర్జున సాగర్కు వెళ్తోంది. దీంతో సాగర్కు 24,779 క్యూసెక్కుల ఇన్ఫ్లో వస్తోంది.
ఇది కూడా చదవండి..: Kavitha’s BC Slogan | బీసీ నినాదం.. అవకాశవాద రాజకీయాల ఓటు బ్యాంక్ గేమ్!
