అక్షరటుడే, వెబ్డెస్క్ : Sub Registrar Bribe | నారాయణపేట (Narayanapet) జిల్లా సబ్ రిజిస్ట్రార్ కార్యాలయంలో గ్రేడ్ –2 సబ్ రిజిస్ట్రార్గా పని చేస్తున్న లగిశెట్టి వెంకట్స్వామి ఏసీబీ (ACB) అధికారులకు చిక్కాడు. ఓ ఇంటి రిజిస్ట్రేషన్ కోసం లంచం డిమాండ్ చేయగా ఏసీబీ అధికారులు అరెస్ట్ చేశారు.
ఓ వ్యక్తి ఇంటి రిజిస్ట్రేషన్ కోసం కార్యాలయానికి వచ్చాడు. అతడిని సబ్ రిజిస్ట్రార్ వెంకట్ స్వామి జూలై 18న రూ.90 వేల లంచం అడిగాడు. ప్రైవేట్ వ్యక్తి కమ్మరి నాగేశ్ ద్వారా జూలై 21న రూ.50 వేల లంచం తీసుకున్నాడు. ఆ తర్వాత డాక్యుమెంట్ నెం. 4723/2026 ద్వారా ఫిర్యాది ఇంటి రిజిస్ట్రేషన్ను పూర్తి చేయడం వంటి అధికారిక సహాయం చూపినందుకు మిగిలిన రూ. 40,000 డిమాండ్ చేశారు. దీంతో బాధితుడు ఏసీబీ అధికారులను ఆశ్రయించాడు. దీంతో ఏసీబీ (ACB) అధికారులు కేసు నమోదు చేసి సబ్ రిజిస్ట్రార్తో పాటు ప్రైవేట్ వ్యక్తిని అరెస్ట్ చేశారు.
Sub Registrar Bribe | భారీగా అవినీతి
రాష్ట్రంలోని పలు సబ్ రిజిస్ట్రార్ కార్యాలయాలు అవినీతి కేంద్రాలుగా మారాయి. రిజిస్ట్రేషన్ల కోసం వచ్చే ప్రజల నుంచి అధికారులు డబ్బులు డిమాండ్ చేస్తున్నారు. పైసలు ఇస్తేనే పనులు చేస్తున్నారు. లేదంటే అన్ని కరెక్ట్గా ఉన్నా.. కొర్రీలు పెడుతున్నారు. మరోవైపు లంచాలు భారీగా ఇచ్చిన వారికి అక్రమంగా రిజిస్ట్రేషన్లు చేసి పెట్టిన ఘటనలు ఉన్నాయి. సబ్ రిజిస్ట్రార్ కార్యాలయాల్లో ప్రైవేట్ వ్యక్తులకు ప్రవేశం లేదని అధికారులు చెబుతున్నా.. డాక్యుమెంట్ రైటర్ల ద్వారా అధికారులు లంచాలు తీసుకుంటున్నారు. ఫేక్ సర్టిఫికెట్లతో సైతం భూములు రిజిస్ట్రేషన్ చేస్తున్నారు. అయినా సంబంధిత అధికారులు కఠిన చర్యలు చేపట్టడం లేదు.
దీనిని కూడా చదవండి : DSP Transfers | రాష్ట్రంలో పలువురు డీఎస్పీల బదిలీ
