అక్షరటుడే, వెబ్డెస్క్: TARA Weapon Test | రక్షణ పరిశోధన మరియు అభివృద్ధి సంస్థ (DRDO), భారత వైమానిక దళం (IAF) సంయుక్తంగా ఒడిశా తీరంలో టాక్టికల్ అడ్వాన్స్డ్ రేంజ్ ఆగ్మెంటేషన్ (TARA) ఆయుధం తొలి ప్రయోగాన్ని విజయవంతంగా నిర్వహించాయి. మాడ్యులర్ రేంజ్ ఎక్స్టెన్షన్ కిట్ అయిన TARA, అన్గైడెడ్ వార్హెడ్లను ప్రెసిషన్ గైడెడ్ ఆయుధాలుగా మార్చగల భారత మొట్టమొదటి స్వదేశీ గ్లైడ్ ఆయుధ వ్యవస్థ.
భూమిపై ఉన్న లక్ష్యాలను నిర్వీర్యం చేయడానికి, తక్కువ ఖర్చుతో కూడిన ఆయుధం విధ్వంసక శక్తిని, కచ్చితత్వాన్ని పెంచేందుకు, హైదరాబాద్లోని రీసెర్చ్ సెంటర్ ఇమారత్ (RCI) ఇతర DRDO ప్రయోగశాలలతో కలిసి TARAను రూపొందించింది. అత్యాధునిక, తక్కువ ఖర్చుతో కూడిన వ్యవస్థలను ఉపయోగించుకునే మొట్టమొదటి గ్లైడ్ ఆయుధం ఇది. ఈ కిట్ అభివృద్ధిని డెవలప్మెంట్ కమ్ ప్రొడక్షన్ పార్టనర్స్ (DcPP), ఇతర భారతీయ పరిశ్రమల సహకారంతో చేపట్టారు. ఇవి ఇప్పటికే ఉత్పత్తి కార్యకలాపాలను ప్రారంభించాయి.
TARA Weapon Test | రక్షణ మంత్రి అభినందన
భారతదేశ స్వదేశీ రక్షణ సామర్థ్యాలను పెంపొందించడంలో ఇది ఒక ముఖ్యమైన పరిణామమని అభివర్ణిస్తూ డీఆర్డీవో, ఐఏఎస్ను రక్షణ మంత్రి రాజ్నాథ్ సింగ్ (Minister Rajnath Singh) అభినందించారు. రక్షణ పరిశోధన, అభివృద్ధి శాఖ కార్యదర్శి, డీఆర్డీవో ఛైర్మన్ సమీర్ వి కామత్ కూడా ఈ విజయవంతమైన విమాన ప్రయోగానికి సంబంధించిన బృందాలను అభినందించారు.
ఇది కూడా చదవండి..: Cloudflare Layoffs | ఏఐ ప్రభావం.. 1,100 మంది ఉద్యోగులని తొలగిస్తున్న క్లౌడ్ఫ్లేర్!
