అక్షరటుడే, వెబ్డెస్క్: Telangana Earthquake | తెలంగాణలోని భద్రాద్రి కొత్తగూడెం జిల్లాలో ఆదివారం భూకంపం సంభవించింది. రిక్టర్ స్కేలుపై దీని తీవ్రత 3.8గా నమోదైనట్లు అధికారులు తెలిపారు.
భూకంప ప్రకంపనలు స్వల్పంగా అనిపించడంతో పలుచోట్ల ప్రజలు ఒక్కసారిగా ఇళ్ల నుంచి బయటకు పరుగులు తీశారు. అయితే ఈ ఘటనలో ఎలాంటి ప్రాణనష్టం, ఆస్తి నష్టం జరిగినట్లు ఇప్పటివరకు సమాచారం లేదు.
Telangana Earthquake | తీవ్రత తక్కువ స్థాయిలో..
భూకంపం సంభవించిన వెంటనే సంబంధిత అధికారులు పరిస్థితిని సమీక్షించారు. ప్రభావిత ప్రాంతాల్లో ఎలాంటి నష్టం జరిగిందా అనే విషయంపై వివరాలు సేకరిస్తున్నారు.
భూకంప తీవ్రత తక్కువ స్థాయిలో ఉండటంతో పెద్దగా ప్రభావం కనిపించలేదని అధికారులు పేర్కొన్నారు. అయినప్పటికీ ప్రజలు అప్రమత్తంగా ఉండాలని, అధికారిక సమాచారం మాత్రమే విశ్వసించాలని సూచించారు. మరిన్ని వివరాలు తెలియాల్సి ఉంది.
