అక్షరటుడే, వెబ్డెస్క్: Telangana Land Inquiry | తెలంగాణ (Telangana) ప్రభుత్వం సంచలన నిర్ణయం తీసుకుంది. రాష్ట్రంలో భూ అక్రమాలు, నిబంధనల ఉల్లంఘనలపై విచారణకు ప్రత్యేక కమిటీ ఏర్పాటు చేసింది. ఈ మేరకు జీవో 134 జారీ చేస్తూ ఉత్తర్వులు జారీ చేసింది.
బీఆర్ఎస్ హయాంలో రాష్ట్రంలో అనేక భూములు ఆక్రమణలకు గురి అయ్యాయని కాంగ్రెస్ నాయకులు ఆరోపిస్తున్న విషయం తెలిసిందే. ఇటీవల ఆ పార్టీ ఎంపీలు, ఎమ్మెల్యేలు బీఆర్ఎస్ నేతల ఫామ్హౌస్లను సైతం సందర్శించారు. ఈ క్రమంలో తాజాగా ప్రభుత్వం ప్రత్యేక కమిటీ ఏర్పాటు చేయడం గమనార్హం. ఈ కమిటీ ఛైర్పర్సన్గా ఐఏఎస్ అధికారి శ్రీదేవసేన, కన్వీనర్గా రాజీవ్ గాంధీ హనుమంతు, సభ్యుడిగా సందీప్ కుమార్ ఝాను ప్రభుత్వం నియమించింది.
Telangana Land Inquiry | ఈ భూములపై విచారణ
ఈ కమిటీ కేసీఆర్తో పాటు ఆయన కుటుంబ సభ్యులు, అనుచరులకు చెందిన భూములపై విచారణ చేపట్టనుంది. మాజీ మంత్రులు కేటీఆర్, హరీష్ రావు, గంగుల కమలాకర్, జగదీశ్ రెడ్డి, వారి కుటుంబ సభ్యులపై భూములపై సైతం విచారించనుంది. రంగనాయక సాగర్ సమీపంలోని భూములు, మల్లన్నసాగర్ భూసేకరణలో అక్రమాలపై, అసైన్డ్ భూముల కొనుగోలు అంశంపై కమిటీ విచారణ చేపట్టి ప్రభుత్వానికి నివేదిక ఇవ్వనుంది. భూదాన్ భూముల కొనుగోళ్లు, ధరణి పోర్టల్ దుర్వినియోగంపై సైతం పరిశీలించనుంది.
ఇది కూడా చదవండి..: Hospital Fire Safety | హాస్పిటళ్లలో ఫైర్ సేఫ్టీపై సమీక్ష
