అక్షరటుడే, వెబ్డెస్క్ : Trump Iran Map Post | అమెరికా–ఇరాన్ మధ్య కాల్పుల విరమణ కొనసాగుతున్నా.. ఉద్రిక్తతలు మాత్రం చల్లారడం లేదు. శాంతి చర్చలు కొలిక్కి రాకపోవడంతో ప్రపంచవ్యాప్తంగా ఆందోళన నెలకొంది.
ఈ క్రమంలో ఇరాన్ను రెచ్చగొట్టేలా అమెరికా అధ్యక్షుడు డోనాల్డ్ ట్రంప్ (Donald Trump) సోషల్ మీడియాలో పోస్టులు పెడుతున్నారు.డొనాల్డ్ ట్రంప్ సోమవారం సోషల్ మీడియాలో పశ్చిమ ఆసియా మ్యాప్ను షేర్చేశారు. అందులో అన్ని దేశాలపై అమెరికా జెండా ఉంది. పలు దిశల నుండి ఇరాన్ వైపు ఎర్ర బాణాలను చూపించారు. ఇది వాషింగ్టన్, టెహ్రాన్ల మధ్య పెరుగుతున్న ఉద్రిక్తతలకు మరింత ఆజ్యం పోసింది.
Trump Iran Map Post | సమయం మించిపోతుంది
సంఘర్షణను ముగించే లక్ష్యంతో అమెరికా తెచ్చిన శాంతి ప్రతిపాదనను ఇరాన్ (Iran) అంగీకరించడానికి “సమయం మించిపోతోంది” అని ట్రంప్ హెచ్చరించిన కొద్దిసేపటికే ఈ పోస్ట్ వచ్చింది. ఇరాన్పై అమెరికా, ఇజ్రాయెల్లు కలిసి సైనిక చర్యకు దిగవచ్చనే ఊహాగానాలకు కొత్తగా ఆజ్యం పోసింది. ఆదివారం, ట్రంప్ ‘ట్రూత్ సోషల్’లో ఒక పోస్ట్ ద్వారా ఇరాన్కు గట్టి సందేశం ఇచ్చారు. వారు వేగంగా కదలడం మంచిది, లేకపోతే వారిదేమీ మిగలదు. సమయం చాలా విలువైనది అని పేర్కొన్నారు.
ఇది కూడా చదవండి..: US Iran Nuclear Talks | అమెరికా–ఇరాన్ అణు చర్చల్లో ఉద్రిక్తత.. కఠిన షరతులతో మళ్లీ పెరుగుతున్న భౌగోళిక ఆందోళనలు
