Uber Bike Expansion | భారతదేశంలో విస్తరిస్తున్న ఉబర్ సేవలు.. కొత్తగా మరో 100 నగరాల్లోకి ఎంట్రీ

అక్షరటుడే వెబ్‌డెస్క్: Uber Bike Expansion | ప్రముఖ రవాణా సేవల సంస్థ ‘ఉబర్’ (Uber) దేశంలో తన సేవలను భారీగా విస్తరిస్తున్నట్లు ప్రకటించింది. భారతదేశంలో అత్యంత భారీ విస్తరణలో భాగంగా కొత్తగా 100 నగరాల్లోకి అడుగుపెడుతున్నట్లు తెలిపింది. ఇందులో తెలంగాణలోని 10 కొత్త నగరాలు కూడా ఉన్నాయి. ఈ విస్తరణతో దేశ వ్యాప్తంగా ఉబర్ సేవలందిస్తున్న నగరాల సంఖ్య 225 దాటింది.

తెలంగాణలో ( Telangana )ప్రధాన పట్టణాలతో పాటు ఇతర ప్రాంతాలకు సేవలను విస్తరిస్తూ, 10 కొత్త నగరాల్లో ‘ఉబర్ బైక్’ (Uber Bike) సేవలను అందుబాటులోకి తీసుకొచ్చింది. ఇది ప్రజల రోజువారీ ప్రయాణాలకు, మెట్రో లేదా బస్సు స్టాప్‌ల వంటి చివరి మైలు కనెక్టివిటీకి అత్యంత తక్కువ ఖర్చుతో కూడిన ప్రయాణ సౌకర్యాన్ని అందిస్తుంది.

Uber Bike Expansion | ఉచిత మొదటి ప్రయాణం..

స్వాతంత్ర్య దినోత్సవాన్ని పురస్కరించుకుని, ఉబర్ దేశవ్యాప్తంగా కొత్త వినియోగదారుల కోసం ఒక ఆకర్షణీయమైన ఆఫర్‌ను ప్రకటించింది. మొదటిసారి ఉబర్ యాప్ ఉపయోగించే ప్రయాణికులకు పరిమిత కాలం పాటు ‘మొదటి రైడ్ ఉచితం’ (First Ride Free) గా అందించనుంది.

Uber Bike Expansion | కేంద్ర మంత్రి నితిన్ గడ్కరీ ప్రశంసలు..

ఈ విస్తరణపై కేంద్ర రోడ్డు రవాణా, రహదారుల శాఖ మంత్రి శ్రీ నితిన్ గడ్కరీ హర్షం వ్యక్తం చేశారు. “దేశంలో విస్తరిస్తున్న రోడ్డు నెట్‌వర్క్ చిన్న నగరాలను అనుసంధానిస్తూ కొత్త ఆర్థిక అవకాశాలను సృష్టిస్తోంది. 100 కొత్త నగరాలకు సేవలను విస్తరించి, వేలాది మందికి ఉపాధి అవకాశాలు కల్పిస్తున్న ఉబర్‌కు నా అభినందనలు. బైక్ ట్యాక్సీలు, ఇతర నూతన రవాణా పరిష్కారాలను స్వీకరించేందుకు మోటార్ వెహికల్ అగ్రిగేటర్ మార్గదర్శకాలు 2025 రాష్ట్రాలకు స్పష్టమైన మార్గాన్ని చూపుతున్నాయి. ‘సడక్ సురక్షా అభియాన్’తో ఉబర్ భాగస్వామ్యం కావడం ప్రయాణ భద్రతకు అత్యంత ముఖ్యం.”

Uber Bike Expansion | ఉబర్ బిజినెస్ డైరెక్టర్ కామెంట్స్..

ఉబర్ ఇండియా & సౌత్ ఆసియా డైరెక్టర్ (కన్స్యూమర్ & గ్రోత్) రిషాంత్ ఘోష్ మాట్లాడుతూ.. “100 కొత్త నగరాలకు విస్తరించడం మాకు ఒక ముఖ్యమైన మైలురాయి. మెట్రో నగరాల్లోనే కాకుండా చిన్న నగరాల ప్రజలకు కూడా నమ్మకమైన, చవకైన రవాణా సౌకర్యం అవసరం. ఈ డిమాండ్‌ను తీర్చడానికే మేము పెట్టుబడులు పెడుతున్నాం. ‘ఉబర్ బైక్’ స్థానిక డ్రైవర్లకు అనుకూలమైన ఆదాయ మార్గాన్ని చూపిస్తుంది.”

Uber Bike Expansion | ప్రయాణికుల భద్రతకు ప్రాధాన్యత..

ఉబర్ బైక్ ద్వారా సాగే ప్రతి ప్రయాణాన్ని అత్యంత సురక్షితంగా మార్చేందుకు యాప్‌లోనే పటిష్టమైన భద్రతా ఫీచర్లను అందుబాటులో ఉంచారు. ఇందులో భాగంగా డ్రైవర్లను ఎప్పటికప్పుడు ధ్రువీకరించే ‘రియల్ టైమ్ డ్రైవర్ ఐడీ చెక్’, అత్యవసర సమయాల్లో సహాయం కోసం ‘ఇన్-యాప్ ఎస్‌ఓఎస్ (SOS) బటన్’, కుటుంబ సభ్యులు లేదా మిత్రులతో ప్రయాణ వివరాలను పంచుకునే ‘రైడ్ స్టేటస్ షేరింగ్’ (Share Trip Status) సదుపాయాలతో పాటు ప్రయాణికులకు ఎలాంటి సమస్యలు ఎదురైనా క్షణాల్లో పరిష్కరించేందుకు ’24×7 సేఫ్టీ హెల్ప్‌లైన్’ కూడా అందుబాటులో ఉంటుంది.

Uber Bike Expansion | ఉబర్ బైక్ బుక్ చేసుకోవడం ఎలా?

ఉబర్ బైక్ సేవలను పొందడం చాలా సులభం. దీని కోసం ముందుగా మీ మొబైల్‌లోని ఉబర్ యాప్‌ను ఓపెన్ చేసి, మీరు ఎక్కాల్సిన పిక్-అప్ , దిగాల్సిన డ్రాప్ లొకేషన్ వివరాలను ఎంటర్ చేయాలి. ఆ తర్వాత స్క్రీన్‌పై కనిపించే ప్రయాణ ఆప్షన్ల నుండి ‘Uber Bike’ ని ఎంచుకుని రైడ్‌ను కన్ఫర్మ్ చేయాల్సి ఉంటుంది. రైడ్ కన్ఫర్మ్ కాగానే డ్రైవర్ వివరాలు మీ ఫోన్‌లో కనిపిస్తాయి, వాటి ఆధారంగా మీ ప్రయాణాన్ని యాప్‌లోనే లైవ్‌లో ట్రాక్ చేయవచ్చు.

ఇది కూడా చదవండి:  Paddy Farmers | వరి సాగు చేసిన రైతులు రిజిస్ట్రర్​ చేసుకోవాలి : మంత్రి తుమ్మల