అక్షరటుడే, వెబ్డెస్క్: Vijay Deverakonda | టాలీవుడ్ నటుడు విజయ్ దేవరకొండ మాట్లాడిన ప్రతి మాటను తాను పూర్తిగా సమర్థిస్తున్నానని, ఆయనతో ఏకీభవిస్తున్నానని టీటీడీ బోర్డు సభ్యులు భాను ప్రకాష్ రెడ్డి స్పష్టం చేశారు.
ఔరంగజేబు కాలంలో వందలాది హిందూ దేవాలయాలను ధ్వంసం చేయడం, హిందూ ధర్మంపై ప్రత్యక్షంగా, పరోక్షంగా దాడి చేయడం, హిందూ స్త్రీలను అవమానపరచడం వంటి రాక్షస ప్రవృత్తులకు పాల్పడ్డారని మండిపడ్డారు. కాశీ విశ్వనాథ ఆలయం, మధుర శ్రీకృష్ణ ఆలయం, సోమనాథ ఆలయంతో పాటు ఎన్నో ఆలయాల చరిత్ర కనుమరుగయ్యేలా వ్యవహరించారని పేర్కొన్నారు.
Vijay Deverakonda | ఖబడ్దార్…
విజయ్ దేవరకొండ మాట్లాడిన తర్వాత కొందరు వ్యతిరేకంగా మాట్లాడటంపై స్పందిస్తూ… హిందూ సింహాల జోలికొస్తే, హిందూ ధర్మానికి వ్యతిరేకంగా మాట్లాడితే జరగబోయే పరిణామాలు చాలా తీవ్రంగా ఉంటాయని టీటీడీ బోర్డు సభ్యులు భాను ప్రకాష్ రెడ్డి హెచ్చరించారు.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..
Vijay Deverakonda | సనాతన ధర్మ పరిరక్షణ
నేడు సనాతన ధర్మాన్ని పరిరక్షించుకోవడానికి అందరూ నడుము బిగించాల్సిన సమయం వచ్చిందని ఆయన అన్నారు. హిందూ ధర్మ పరిరక్షణ కోసం ఛత్రపతి శివాజీ మహరాజ్, సంభాజీ మహరాజ్ స్ఫూర్తితో లక్షలాది మంది ముందుకు రావాలని హిందూ సోదరసోదరీమణులకు టీటీడీ బోర్డు సభ్యులు భాను ప్రకాష్ రెడ్డి పిలుపునిచ్చారు.
