అక్షరటుడే, వెబ్డెస్క్ : Vijay Swearing-In | తమిళనాడు ముఖ్యమంత్రి టీవీకే (TVK) అధినేత జోసెఫ్ విజయ్ ప్రమాణ స్వీకారం చేశారు. చెన్నైలోని నెహ్రూ ఇండోర్ స్టేడియంలో జరిగిన ఈ వేడుకకు రాజకీయ ప్రముఖులే కాకుండా, సినీ తారలు కూడా హాజరయ్యారు. వీరిలో, విజయ్ సన్నిహిత మిత్రురాలు, నటి త్రిష కృష్ణన్ ( Actress Trisha) అందరి దృష్టిని ఆకర్షించారు.
త్రిష తన తల్లి ఉమా కృష్ణన్తో కలిసి ఈ కార్యక్రమానికి విచ్చేశారు. లేత నీలం రంగు పట్టు చీర ధరించి, మల్లెపూలతో అలంకరించుకుని సంప్రదాయ దుస్తుల్లో మెరిసిపోతున్న త్రిషను చూసి అభిమానులు హర్షధ్వానాలు చేశారు. స్టేడియంలోకి ప్రవేశిస్తూ అభిమానులకు అభివాదం చేస్తూ, చిరునవ్వులు చిందిస్తున్న త్రిష వీడియోలు సోషల్ మీడియాలో వైరల్ అవుతున్నాయి.
Vijay Swearing-In | ఎమ్మెల్యేగా పోటీ చేస్తారా
ఎన్నికల్లో విజయ్ తిరుచ్చి, పెరంబూరు నియోజకవర్గాల నుంచి విజయం సాధించారు. ఆయన పెరంబూర్ నుంచి ఎమ్మెల్యేగా కొనసాగనున్నారు. తిరిచ్చి స్థానానికి రాజీనామా చేయనున్నారు. ఆ స్థానం నుంచి త్రిష TVK అభ్యర్థిగా పోటీ చేస్తారని ఊహాగానాలు వినిపిస్తున్నాయి. త్రిష పోటీకి సంబంధించి ఇప్పటివరకు TVK పార్టీ గానీ, స్వయంగా త్రిష గానీ ఎటువంటి అధికారిక స్పష్టత ఇవ్వలేదు.
Vijay Swearing-In | జయలలిత అవుతారా
గతంలో సినీ నటుడు ఎంజీఆర్ (MGR) అన్నా డీఎంకే పార్టీని స్థాపించారు. ఆ సమయంలో ఆయన వెంట సినీ నటి జయలలిత ఉన్నారు. అనంతరం ఆమె పార్టీలో కీలకంగా ఎదిగారు. పలుమార్లు సీఎంగా పని చేశారు. ప్రస్తుతం మరో నటుడు విజయ్ సీఎం కావడం, ఈ సమయంలో త్రిష ఆయనతో ఉండటంతో తమిళనాడు రాజకీయాలు, సోషల్ మీడియాలో తీవ్ర చర్చ జరుగుతోంది. ఆమె మరో జయలలిత (Jayalalitha) అవుతారంటూ పలువురు సోషల్ మీడియాలో పోస్టులు పెడుతున్నారు. రానున్న రోజుల్లో ఆమె రాజకీయ జీవితంపై స్పష్టత రానుంది.
#WATCH | Tamil Nadu: Actor Trisha Krishnan at the Jawaharlal Nehru Stadium in Chennai, where TVK Chief C Joseph Vijay will take oath as the Chief Minister of Tamil Nadu, shortly. pic.twitter.com/oCevs6N1Wx
— ANI (@ANI) May 10, 2026
దీనిని కూడా చదవండి : CM Vijay | విజయ్ అను నేను.. ప్రమాణ స్వీకారం చేసిన టీవీకే అధినేత
