అక్షరటుడే, వెబ్డెస్క్: Warehouse Fire | హైదరాబాద్లో భారీ అగ్ని ప్రమాదం చెలరేగింది. గుడిమల్కాపూర్లోని మొఘలాఖానాల వద్ద ఓ ఫర్నిచర్ గోదాంలో భారీగా మంటలు చెలరేగాయి. దీంతో స్థానికులు భయాందోళనకు గురయ్యారు. ప్రమాద జరిగిన సమయంలో అక్కడ ఎవరూ లేకపోవడంతో ప్రాణ నష్టం తప్పింది.
Warehouse Fire | కాలిబూడిదైన ఫర్నిచర్
అగ్నిప్రమాదంలో గోదాములోని ఫర్నిచర్ కాలి బూడిదైంది. తొలుత ఓ గిడ్డంగికి మంటలు చెలరేగగా.. అనంతరం పక్కనే మరో మూడింటికి వ్యాపించాయి. ఇలా నాలుగు గోదాములు అగ్నికి ఆహుతయ్యాయి. అగ్నిమాపక సిబ్బంది, స్థానిక పోలీసులు ఘటనాస్థలికి చేరుకుని మంటలు ఆర్పేందుకు చర్యలు చేపట్టారు. పక్కనే చాలా గోదాములు ఉండటంతో యజమానుల్లో ఆందోళన నెలకొంది. ప్రమాదానికి గల కారణాలపై పోలీసులు దర్యాప్తు చేస్తున్నారు.
ఇది కూడా చదవండి..: Toxic Event Accident | టాక్సిక్ ప్రీ-రిలీజ్ ఈవెంట్లో ప్రమాదం.. పలువురికి గాయాలు
