అక్షరటుడే, వెబ్డెస్క్ : Work From Bike | హైదరాబాద్ (Hyderabad) నగరంలో ఓ యువకుడు బైక్పై వర్క్ చేస్తూ కనిపించాడు. హైటెక్ సిటీలో ఫ్యూయల్ ట్యాంక్పై ల్యాప్టాప్ను ఉంచి, బైక్పై పనిచేస్తూ డ్రైవింగ్ చేశాడు. ఈ వీడియో సోషల్ మీడియాలో వైరల్ అవుతోంది.
ప్రస్తుతం ఉరుకుల పరుగుల జీవితంలో మనిషికి విశ్రాంతి ఉండటం లేదు. ప్రైవేట్ ఉద్యోగుల పరిస్థితి చెప్పనక్కర్లేదు. సాఫ్ట్వేర్ ఉద్యోగులకు సైతం టాస్క్లు ఇచ్చి టార్చర్ పెడుతున్నారు. బతకాలంటే పని చేయాలి. అయితే తాము ఎలాంటి పరిస్థితుల్లో ఉన్నామో చెప్పినా కొందరు పై అధికారులు వినకుండా ఉద్యోగులను వేధిస్తున్నారు. తాజాగా బైక్పై వర్క్ చేస్తూ వెళ్తున్న యువకుడు.. అలా ఎందుకు చేశాడన్నది తెలియకున్నా పని ఒత్తిడి ఉంటేనే ఎవరైనా ప్రాణాలను పణంగా పెడతారు.
Work From Bike | భద్రత ముఖ్యం
ఇలా ప్రమాదకరంగా ప్రయాణం చేయడంపై నెటిజన్లు భిన్నాభిప్రాయాలు వ్యక్తం చేశారు. సాఫ్ట్వేర్ ఉద్యోగులు (Software Employees) ఎదుర్కొంటున్న ఒత్తిడి ఈ స్థాయిలో ఉందా? అని పలువురు నెటిజన్లు వ్యాఖ్యానిస్తున్నారు. ఇలా ప్రాణాలను పణంగా పెట్టడం సరికాదని.. భద్రత ముఖ్యమని పేర్కొంటున్నారు. అత్యవసరం అయితే బైక్ ఆపుకొని పని చేయాలి కానీ ఇలా డ్రైవింగ్లో చేయడం సరికాదు అంటున్నారు. మనకు ఏదైనా అయితే పని చేసే కంపెనీ ఇతరులను ఉద్యోగంలో పెట్టుకుంటుంది. కానీ మన కుటుంబ పరిస్థితి ఏమిటనే విషయం ఆలోచించాలని నెటిజన్లు అంటున్నారు.
Work From Bike | ఇలాంటి పనులు చేయొద్దు
ఏ పనికైనా ఒక పద్ధతి ఉంటుంది. కానీ, ప్రాణాలను పణంగా పెట్టి ఇలా వర్క్ ఫ్రమ్ బైక్ చేయడం చూస్తుంటే… ఆత్రం ఎక్కువైతే ప్రాణం మీదకు వస్తుంది అనే మాట అక్షరాలా నిజమనిపిస్తోంది అని హైదరాబాద్ సీపీ సజ్జనార్ అన్నారు. రోడ్డు మీద ఏకాగ్రత ఒక్క క్షణం తప్పినా, అది మీ ప్రాణానికే కాదు, పక్కన వెళ్లే అమాయకుల ప్రాణాలకు కూడా ప్రమాదకరమన్నారు. కడుపు నింపుకోవడానికి చేసే పని, కడతేర్చేలా ఉండకూడదని ఆయన హితవు పలికారు.
వర్క్ ఫ్రం బైక్..!
హైదరాబాద్లోని హైటెక్ సిటీలో ఓ యువకుడు ఫ్యూయల్ ట్యాంక్పై ల్యాప్టాప్ను ఉంచి, బైక్పై పనిచేస్తూ కనిపించాడు. ఇలా ప్రమాదకరంగా ప్రయాణం చేయడంపై భిన్నాభిప్రాయాలు వ్యక్తమవుతున్నాయి. సాఫ్ట్వేర్ ఉద్యోగులు ఎదుర్కొంటున్న ఒత్తిడి ఈ స్థాయిలో ఉందా? అని ప… pic.twitter.com/aA4Rl9cYNU
— Akshara Today | Telugu News (@aksharatoday) June 13, 2026
ఇది కూడా చదవండి..: Hyderabad Rain Havoc | హైదరాబాద్లో వర్ష బీభత్సం.. ముగ్గురు మృతి
