అక్షరటుడే, ఎల్లారెడ్డి: Yellareddy Heavy Rains | ఈదురు గాలులతో కురిసిన భారీ వర్షానికి ఎల్లారెడ్డి–కామారెడ్డి (Yellareddy) రహదారిపై సోమవారం సాయంత్రం చెట్లు కూలిపోగా మున్సిపల్ కమిషనర్(Municipal Commissioner) జగ్జీవన్ స్పందించారు. వెంటనే తొలగింపు చర్యలు చేపట్టారు.
Yellareddy Heavy Rains | మున్సిపల్, పారిశుధ్య సిబ్బందితో కలిసి..
మున్సిపల్, పారిశుద్ధ్య కార్మికులు, ఇతర కూలీలతో కలిసి ఆయన చెట్లకొమ్మలను తొలగించారు. రోడ్డుపై అడ్డంగా పడిన చెట్లను, కొమ్మలను యుద్ధప్రాతిపదికన తొలగిస్తున్నారు. ప్రజల రాకపోకలకు ఎలాంటి ఇబ్బందులు తలెత్తకుండా ఉండేందుకు చర్యలు తీసుకుంటున్నామని కమిషనర్ తెలిపారు. వర్షం, ఈదురు గాలులు వస్తున్న సమయంలో ప్రజలు అత్యవసరమైతే తప్ప బయటకు రావద్దని, శిథిలావస్థలో ఉన్న భవనాలు, చెట్ల కింద నిలబడవద్దని ఆయన విజ్ఞప్తి చేశారు.
Yellareddy Heavy Rains | విద్యుత్ సరఫరాను పునరుద్ధరించాలి..
మండలంలో పలుచోట్ల తెగిపడిన విద్యుత్ తీగలను, స్తంభాలను సైతం త్వరగా పునరుద్ధరించేలా చర్యలు తీసుకోవాలని ట్రాన్స్కో(Transco) అధికారులను కమిషనర్ జగ్జీవన్ కోరారు. కొనుగోలు కేంద్రాల వద్ద రైతులు పంటలను రక్షించుకునేందుకు తప్పనిసరిగా టార్పాలిన్లను వినియోగించుకోవాలని, వాతావరణ హెచ్చరికలు గమనిస్తూ ముందస్తు జాగ్రత్తలు తీసుకోవాలని సూచించారు. మున్సిపల్ పరిధిలో తెగిపోయిన విద్యుత్ తీగలను సైతం పునరుద్ధరించేలా చర్యలు తీసుకోవాలని విద్యుత్ శాఖ అధికారులకు ఆయన సూచించారు.
ఇది కూడా చదవండి: Warangal Police | రౌడీ షీటర్లను రోడ్లపై తిప్పిన పోలీసులు
