అక్షరటుడే, వెబ్డెస్క్ : RTC Driver Removal | వడ్లు కొనమని చెప్పినందుకు ఓ ఆర్టీసీ డ్రైవర్ (RTC Driver)ను అధికారులు విధుల్లో నుంచి తొలగించారు. ప్రజా ప్రభుత్వం అని చెప్పుకునే కాంగ్రెస్ పాలనలో రైతుల సమస్యపై మాట్లాడినందుకు ఓ డ్రైవర్ను విధుల్లోకి రావొద్దని అధికారులు ఆదేశించడంపై తీవ్ర విమర్శలు వస్తున్నాయి.
దేశంలో ఇటీవల పెట్రోల్, డీజిల్ ధరలు పెరిగిన విషయం తెలిసిందే. ధరల పెంపునకు నిరసనగా జగిత్యాల జిల్లా (Jagtial District) కేంద్రంలో మంత్రి అడ్లూరి లక్ష్మణ్ కుమార్ ఆధ్వర్యంలో సోమవారం కాంగ్రెస్ నాయకులు (Congress Leaders) ధర్నా చేశారు. అయితే ఆ సమయంలో ఆ మార్గంలో బస్సు నడుపుతున్న అశోక్ అనే డ్రైవర్ తనకు తెలిసిన వ్యక్తిని పలకరించాడు. ఎందుకు ధర్నా చేస్తున్నారని మాములుగానే అడిగాడు. అయితే పెట్రోల్, డీజిల్ రేట్లు పెరగడంతో ధర్నా చేస్తున్నామని ఆయన చెప్పారు. అయితే ముందు వడ్లు కొనాలని, తర్వాత ధరల గురించి ధర్నాలు చేయండని ఆయన తనకు తెలిసిన వ్యక్తికి సలహా ఇచ్చాయి.
RTC Driver Removal | వీడియో వైరల్
డ్రైవర్ అశోక్ మాట్లాడిన మాటలు సోషల్ మీడియాలో వైరల్ అయ్యాయి. ముందు రైతుల వడ్లు, మక్కల గురించి పట్టించుకోండి.. పెట్రోల్ డీజిల్ ధరల పెరుగుదలపై తర్వాత మాట్లాడొచ్చు అని ఆ వీడియోలో ఉంది. దీంతో అధికారులు ఆయనపై చర్యలు చేప్టటారు. ఆర్టీసీ రీజినల్ మేనేజర్ కార్యాలయం నుంచి అశోక్కు రిమూవల్ లెటర్ జారీ చేసి, డ్యూటీకి రావద్దని సూచించినట్లు సమాచారం.
RTC Driver Removal | బాధితుడి ఆవేదన
ఆర్టీసీ డ్రైవర్ అశోక్ మంగళవారం ఉదయం విధులకు హాజరు కావడానికి వెళ్లగా డిపో మేనేజర్ డ్యూటీ కేటాయించలేదు. ఆర్ఎం ఆదేశాల మేరకు తొలగిస్తున్నట్లు చెప్పారు. దీంతో బాధితుడు ఆవేదన వ్యక్తం చేశాడు. తాను ఏ రాజకీయ పార్టీకి చెందిన వ్యక్తికి కాదన్నారు. తమ గ్రామానికి చెందిన వ్యక్తి అక్కడ ఉండటంతో క్యాజువల్గా మాట్లాడనని చెప్పారు. తాను ఏ రాజకీయ పార్టీని, నాయకుడిని విమర్శించలేదని.. రైతుల గురించి మాత్రమే మాట్లాడానన్నారు. తనను విధుల్లోకి తీసుకోవాలని కోరారు. ఈ విషయంపై మాజీ మంత్రి గంగుల కమలాకర్ స్పందించారు. జగిత్యాల ఆర్టీసీ డ్రైవర్ అశోక్ను వెంటనే విధుల్లోకి తీసుకోవాలని డిమాండ్ చేశారు. లేదంటే ఆర్ఎం ఆఫీసును ముట్టడిస్తామని హెచ్చరించారు.
ప్రజాస్వామ్యం గురించి ప్రతిపక్షంలో ఉన్నప్పుడు పెద్ద పెద్ద లెక్చర్లు ఇచ్చిన కాంగ్రెస్ పార్టీ … అధికారంలోకి వచ్చాక ప్రజాస్వామ్యాన్ని పాతర వేస్తున్నది.. రైతులు ఆరుగాలం కష్టపడి పండించిన వడ్లు కొనాలని మంత్రి, కాంగ్రెస్ ఎమ్మెల్యేలకు సూచించిన జగిత్యాల డిపో ఆర్టీసీ డ్రైవర్ ను విధుల… pic.twitter.com/UK3WZDgcSm
— Kavitha Kalvakuntla (@RaoKavitha) May 26, 2026
ఇది కూడా చదవండి..: Ramchander Rao Criticism| బీజేపీలో చేరిన మైనారిటీ నేతలు.. సాదరంగా ఆహ్వానించిన రామచందర్ రావు
